Oct 19, 2011

تاني وتاني



زعلانة

لا مش بعرف ازعل منك

طيب بتعيطي ليه

علشان انت زعقتلي اوي وانا مش عملت حاجة
تبقي زعلانة

لا مش زعلانة

طيب صالحيني

انا اللي اصالحك

اه

ليه؟

علشان انا زعلت اوي لما حسيت انك ممكن تكوني زعلانة
لا مش زعلانة

طيب مش عاوزاني اصالحك

لا صالحني

يعني انتي زعلانة ؟

لا مش زعلانة

يبتسم وياخدها في حضنه
ويطبطب عليها وبقولها

بحبك اوي ومش عاوزك ابدا تبقى زعلانة

يطبطب عليها ويروح مكتبه تاني

تعدي دقايق وفجأة يلاقيها داخلة عليه وتقوله

ممكن تزعقلي تاني بس بالراحة

ايه.. عاوزاني ازعقلك تاني ؟

اه اه عاوزاك تزعقلي تاني علشان عاوزاك تصالحني تاني وتاني وتاني


37 التعليقات:

ساره said...

هكذا نحن النساء نعشق الدلال

حبيتها جدا حسناء وحسيتها انها طبيعيه وكل بنت بتعمل كذا

لوووف يوووو سويت هارت
:*)

Baskouta said...

وانا حبيت تعليقك

انا بحب العلاقة اللي ببساطة كدة

Love you tooo gdaaaaaaaaaan
:)

Anonymous said...

لا فاهمك أنجليزي ولا فاهمك عربي يا ترى يا هل ترى بتعرفي تركي؟

Baskouta said...

مصري جدا

اولا ازي حضرتك
انا مبسوطة ان حضرتك جيت هنا بعد غياب
يارب دايما تكون بخير

ثانيا

ايه بس اللي مش مفهوم
طيب حتى العربي بتاعي الغاز

طيب اكتب ايه
؟

تركي
لا مش اعرف تركي


حضرتك نورتني
وده المهم

Sarah .. said...

:)

~ISLAM~ said...

هههههههه جميله اوى
والله ياريت كل الزعل بالشكل ده

تحياتى لقلمك الرقيق

Tarkieb said...

دلع بنات ..ربنا بيحبها انها ما وقعتش في ايدي كنت وحياتك عندي حرمتها تتدلع او حتى تفكر تتدلع تاني ....ايه البنات البسكوت دول ههههههههه يا بسكوتة

Ramy said...

(:


علشان ده الحب

على رأيى أصاله

لن شكى فيك جرحنى

(:

Baskouta said...

Sarah

:)

Thanks sweetie for the smile and for passing by :)

Baskouta said...

Islam

اه ياريت طبعا كل الزعل يكون حلو كدة

ميرسي على الكومنت نورتني

:)

Baskouta said...

Tarkieb

اه هو طبعا دلع بنات

بس حلو

يعني دلع البنوتات طعمه بيكون مسكر
وعلشان كدة انا متأكدة انها ماكانتش هاتهون عليك تحرمها تدلع

هو حد يقدر يعيش من غير سكر


ميرسي على الكومنت الجميل جدا

:)

Baskouta said...

Ramy

اه يا رامي
اللي بيحب مش ممكن بيعرف يزعل من حبيبه
ولو زعل ... بيزعل علشان عاوز حبيبه يصالحه

ميرسي يا رامي
دايما منورني بكومنتاتك
:)

Bent Men ElZman Da !! said...

احنا اصلا بنتلكك عشان نزعل عشان نتصالح فى الاخر
بجد دى احلى حاجه ان كل مشكله بسيطه او كبيره تعدى بحب كده :)

VÖltaa said...

ازيك يا بساكيتوز:)

Baskouta said...

بنت من الزمن ده

اه فعلا بنتلكك اصل لو كل الصلح هيكون كدة
يبقى فعلا نزعل تاني وتاني علشان نتصالح تانى وتاني وتاااااني

منوراني يا جميلة
:)

Baskouta said...

فولتااااااااا يا فولتاااا

فينك من زمان
يارب تكون دايما بخير
انا الحمدلله بخير
ميرسي كتير على سؤالك
:)

VÖltaa said...

انا كنت هناك و رجعت .. الله اعلم مؤقتا ولا على طول

انا سمعت باللى حصل لبابا الله يرحمه
البقاء لله يا بسكوتة و آسف اوى انها متأخرة بس مكنتش عارف

ان شاء الله ربنا مش هيضيع حقكو و هو ف الجنة بإذن الله :)


دمتى بخير ود

Tamer Moghazy said...

:)

Tamer Moghazy said...

:)

Baskouta said...

فولتا
ولا يهمك
المهم انك جيت

وربنا يخليك على كلامك
ومفيش حاجة متأخرة ولا حاجة
الله يرحم بابا وجميع اموتنا

شكرا ليك

Baskouta said...

Timo:

:)
:)
:)
Thanks ya Timo for the smiles
nawartni
:)

Anonymous said...

زعلانة وأوى
ودا تانى اسبوع
مش بيكلمنى كمان مع انه مزعلنى اوى بس مش راضية اتكلم
ومستنياه يصالحنى بس مش هيحصل
عشان محصلش قبل كدا
الموقف دا لايق اوى على انه يكون بين بنوتة وباباها
:(:(

جميل الموقف يا بسكوتة

ابراهيم رزق said...

مش عارف ليه ش حاسس الموقف بين حبيبين

هو ممكن يكون بينى و بين بنتى مثلا

لكن احيانا تصل العلاقة بين الحبيبين الى درجة الاب و البنت

او العكس الام و بنتها

تحياتى

Miss LoZa said...

بسكوتتى بقولك ايه
بما اننا مش لاقين الى يزعلنا ويصالحنا
تعالى انا وانتى نقوم بالدور العظيم ده عقبال ما ربنا يرزقنا
ههههههههههههههه
حححححح نفسى فرومانسية انا كده والنبى يا اوختشى :D

اقصوصه said...

يادي الرومنسيه هههههههههه

محمد فؤاد (صاحب عمود النور) said...

حلوة قوووووووى ورمانسيه جداااا

هبة فاروق said...

عسولة ورقيقة زيك يا بسكوتة

faroukfahmy said...

اذا كان الدلع كله بالشكل ده يبقى انا هضايق حبيبتى كل شويه
هذا الدلع البسكوتى يدوب فى البق ولا يتعب المعدة وهضمه سريع صحيح انه لا يشبع من جوع ولكنه يروى عطش الاحبه ياسلام على هذا البسكوت مع شاى العصارى
الفاروق

Ramy said...

بسكوتة

كل سنة و انت طيبة

و عيد أضحى سعيد عليكى
و على الأسرة

(:

Sarah .. said...

عيد أضحى سعيد عليكى يا بسكوتة ..
كل سنة وانتى طيبة يا حبيبتى
:)

rona ali said...

بسكوته
:) شوفي يابنتى انا قريت ليكى حاجات كتير
وشوف ليكى ردود في مدونات كتير
بس اول مرة يجيلي الروقان وادخل اعلق بقي

حلوة اوى حاسيتها رقيقه وبريئه مفيهاش تصنع ودة الجميل فيها

تسلم ايدك :)

kmhmhgfd said...

وهو ده احلى ما فى الحياة .. لما ناخدها ببساطه كده
life is simple

Joanna St said...

It would be nice if you just put a link to my site: http://joannast.tk
Thanks! (:

Tarkieb said...

انت فين يا بسكوت

мαησηα said...

عجبنى اوى رقيق ورمانسى زيك يا بسكوتى الحلوة

وزى ما قولتى العلاقة اللى ببساطة دى تحفة وبتوصلك الاحساس احلى بكتير من العلاقات الخنيقة اللى بتبقى بحساب

اصلها الحاجة الوحيدة اللى المفروض ماتبقاش بحساب هى المشاعر

تسلم ايدينك حبيبتى

وكل سنة وانتى حلوة وف قلبى منورة

♥♥♥

Tamer Moghazy said...

كل سنة وانت طيبة يا بسكوتة :)

Anonymous said...

What a great website. Well done