Sep 28, 2011

دي قصة بجد

قصة حقيقية
سمعناها انا واخويا من سواق التاكسي اللي كنا راكبين معاه
القصة لمستنا اوي واتمنينا في لحظة اننا نكون زي بطل القصة
وحبيت اقولها ليكم



ولد صغير
اتعود كل يوم ياخد من باباه مصروف
مصروفه صغير مش كتير
واتعود كمان انه يخصص جزء من مصروفه لمامته
جزء صغير اوي
ممكن مثلا يكون جنيه

مامته دايما كانت تقوله يا حبيبي خللي مصروفك ليك
كان يرد يقول : مش انا راجلك يا ماما
يبقى زي ما بابا بيديكي مصروف انا كمان لازم اديكي مصروفك

مر الوقت
وكبر الولد
وبقى راجل وزوج واب

كل حاجة اتغيرت الا حاجة واحدة

انه كل يوم يصبح على مامته بنفس الطريقة
يبوس ايدها ويديها الجنيه

مامته مش محتاجة الجنيه ده
وزمان كمان عمرها ما احتاجتله

لكن لو مر يوم من غير ما يديها الجنيه وهو بيقول
صباح الخير

تزعل اوي

وتحس ان في حاجة ناقصة

---------------------------


الى بطل القصة: انت ابن بار جدا والمعنى اللي اتعودت عليه وانت صغير وكبر معاك معنى جميل جدا
الى الام : اد ايه انتي أم جميلة وبتمسكك بالعادة دي وصلتي لابنك احساس جميل اوي " انه قادر يعمل حاجة تسعدك ولو بسيطة " وده احساس غالي اوي اوي
الى سائق التاكسي :
شكرا على القصة الجميلة دي


This post is dedicated to every kind person.





8 التعليقات:

Ramy said...

شوفى بقى (:

القصة رائعة و معناها كبير قوى

يمكن نفضل طوووول عمرنا بنحب أمنا و مبنحولش نعبر عن الحب ده

يمكن هى مش عاوزة كتير علشان نعبر بيه

و مش عاوزة فلوس

بس عاوزة نوضحلها اننا بحبها زى ما بتحبنا

و يمكن هوا كان تفكره بسيط و جميل
و كان كل ما يكبر كان الأحساس الجميل دة بيكبر معاهم هما الأتنين

(:

ربنا يخليهم لبعض

و شكراً على القصة الجميلة دى يا بسكوته
(:

adel said...

لا تعليق :))
قدرنا يارب

مصري جدا said...

المهم العطاء بصرف النظر عن مقداره المهم وجوده

Miss LoZa said...

to every kind person ??
يبقى اكيد انا
ههههههههههههههه
حلوة اوى اوى اوى
وكويس ان مامته مش احبطته وقالتله انا مش عاوزة منك حاجة والكلام الحلو ده
هههههههههههههه

Tarkieb said...

يابخته

P A S H A said...

حلوة بجد
:)

sabry abo-omar said...

فعلا قصة جميلة والقيمة هنا فى المعنى مش موضوع قيمة الجنيه المادية بقدر قيمة المعنى وتذكرها ومحاولة تحمل مسئوليه ولو معنوية.. تحياتى لتجاربك وطريقة عرضك المشوق لها

Anonymous said...

nice y0u hit it on the dot will submit to digg