Sep 19, 2011

على فكرة بقى


انتي هنا يعني حتى لو انا بعيد
دايما حواليا حاجات منك




انا مش بنساكي



ودايما ايدي بتلمس حاجة انتي جبتهالي



او حاجة اشتريتها وانتي معايا وكنت فرحانة بيها



ولما بسرح شعري وألبس التاج ده
بحس اد ايه انتي عاملتيني كتير
As your little Princess.




وكل ما افتح علبة اكسسوراتي علشان اختار حاجة ألبسها
دايما بتكوني معايا وتختاري الأنسب لانك انتي اللي اشتريتهم كلهم علشاني



ولما برتب
my room
وارتب العرايس بتاعتي
بلاقيكي انتي بتطلي من بينهم بابتسامتك
اللي نورت في عنيا كل مرة جبتيلي عروسة هدية




وحاجات تانية كتير

مش عارفة أكتبلك

انا بس عاوزة اقولك

انتي هنا
------
معلش
انا بعيدة شوية
-------
بس مش بنساكي ابدا
-------
انتي اصلا ما تتنسيش
--------
وحاجات كتير بينا
--------
انا مش قصدي ابعد زي بعد اي حد تاني
انا بس حاجات كتير اتلخبطت
--------
مش قصدي ابعدك
---------
انتي هنا
ومتزعليش بقى
---------

ممكن؟؟؟؟

17 التعليقات:

Ramy said...

أكيد بعد البوست ده

هى هتعرف و تتأكد انها موجدة معاكى

و أنك عمرك منستيها

................

سبقتينى بفكرة كنت عاوز أعملها (:

عمرك أطول من عمرى

(:

Miss LoZa said...

بحب انا البوستس الى بيبقى فيها حاجات تتشينج كدا :)
طالما انكو بعيد يبقى كويس انك كتبتى البوست ده علشان هى تقرا وتعرف انك فاكراها
الواحد فالبعد بيبقى محتاج حاجة تأكدله ان الشخص التانى فاكره
ربنا يخليكو لبعض :)

Tarkieb said...

دي عزيزة عليكي بقى ...اكيد حترجع بعد البوست ده...بس احاجات في للصور ديى حقيقية؟ولا مثلا؟؟؟

Baskouta said...

Ramy
سبقتك بالفكرة بس انت برضه لازم تعملها
مستنية اشوف البوست اللي شبه ده

والله وحشتني تعليقاتك يا رامي
كل وقت وانت بخير

Baskouta said...

Miss Loza

ميرسي على الكومنت الرقيق
انتي اللي تعليقك تتشينج جدا

انا كمان بحب البوستس دي
تحياتي
وميرسي ليكي تاني

Baskouta said...

Tarkieb
اه غالية عليا اوي
وطبعا الصور اللي في البوست دي حقيقية وهي اللي جايبهالي فعلا
كلها كلها هدايا منها


انت لما بتيجي هنا انا بكون مبسوطة جدا
علشان في ناس كدة بنستنى تعليقاتهم
وانت من الناس دي

شمس النهار said...

الصداقة القوية مايهزهاش بعد
ولا مسافات
بيبق كل واحد عارف هو عند التاني ايه
ان شاء الله خير
يارب انتي تكوني بخير

AHMED SAMIR said...

ربنا يجمعكم ببعض على خير

بوبو said...

طبعا ذكائي الخارق قالي هي مين:) وانا متاكدة ان حبها ليكي فوق الوصف ووجعها عشانك مش محتاج تاكيد زي بالظبط الام اللي مهما حصل مش ممكن تزعل من بنوتتها الحلوة
وحشتيني بقى

فاتيما said...

على فكرة بقى

هيا مش زعلانة منك ولا حاجة
هيا زعلانة شوية م الدنيا
...

وعلى فكرة بقى
هيا عارفة غلاوتها عندك
بس مكنتش متخيلة
انها تفتقدك كدا ...

وعلى فكرة بقى
هيا مقدرة بعادك
لأنها هيا كمان مش عارفة تقرب من حد وهيا تعبانة ....

وعلى فكرة بقى
هيا نفسها تجيبك حاجات
اكتر من كدا ميت مرة
بس الميزانية تتوسع
لما تخطط لسرقة بنك
او تموتلها عم ف البرازيل وتورثه ...

وعلى فكرة بقى
لو كانت قرت البوست دا
قبل ما تروح مسيرة لأ للطوارىء
كان زمانها راحت
ولعت ف الداخلية
ومجلس الوزرا و العسكرى
وريحت الشعب منهم ...
ودا من كتر الإنشكحاح بنفسها
والحماس اللى هيا فيه....

وعلى فكرة بقى
هيا بتحبك قوى
يا بسكــ♥ــوتة
قلبها البمبى


وبتقولك
ربنا يخليكى ليها




_________________________
I have added cool emoticons to this message.
To see them go to http://x.exps.me?e7754850bc34ffb02446116421b20166

فاتيما said...

http://weheartit.com/entry/7895115

sabry abo-omar said...

عندك حق .. تعرفى خلتينا كمان نفكر زيك ونحط صور لحاجات كتيرة مشتركة مع اللى بنحبهم ونقولهم عاوزينكوا معانا عالطول.. احساسك وصل لنا باقل الكلمات .. بوست جميل وجديد

Baskouta said...

شمس التدوين نورتي المدونة
اكيد الصداقة الحقيقية مش بتتهز بأي حاجة بس أوقات كل واحد بيحن لاحساس يأكدله ان الطرف التاني حقيقي بيحب علاقته بيه

نورتيني وميرسي على الكومنت
وعلى السؤال
انا الحمدلله بخير

Baskouta said...

Ahmed Samir

Thanks for the comment
وميرسي على الدعوة الحلوة

تحياتي

Baskouta said...

بوبو
انتي كمان وحشتيني اوي
وحشتيني كتيييييييييييير

واكيد طبعا متأكدة انك عرفتيها
ميرسي على الكومنت والسؤال وعلى اهتمامك وحبك يا جميلة

تعالي كتير

Baskouta said...

فاتيما

:)

:)

:)

:)

Baskouta said...

Sabry Abo Omar

ميرسي على الكومنت
مبسوطة انك اوحيتلكم بفكرة حلوة زي دي
واكيد لازم دايما نقول للي بنحبهم
احنا بنحبكم وعاوزينكم هنا معانا وحوالينا

تحياتي