Jun 11, 2011

مكاني مش هنا

الحبايب لما يغيبوا بنحبهم اكتر
اصل الغياب بيخلينا نشتاقلهم
ولما بنشتاق بنفتكر كل الحاجات الحلوة اللي عملوها او قالوها
ولما نفكر في ذكرياتنا الجميلة سوا بنحب اكتر


-----------------

انا بحبك اوي يابابا
وعارفة ان ربنا بيحبنا وبيخللي باله مننا
وهيوصلك سلامي وحبي


-------------------


ضحكتك يا بابا في صورك بتقولي اكون كويسة
وانا قلبي يابابا بغيابك ساكن بيت حزين ومش قادر يخرج


----------------------

سارة امتحانها بكرة يا بابا

قلقانة ومتوترة ومرعوبة
حضنتها وقولتلها حبيبة باباها لازم تبقى اقوى من كدة
وفي لحظة افتكرت كلامك لما كنت بتطمني قبل اي امتحان
يابنت خليكي جدعة ...ده حتة امتحان افرميه وتعالي طمنيني



-------------------------



35 يوم يابابا
من غيرك
مستنية اكون معاك




----------------



وانت مش هنا
انا مكاني مش هنا



------------



الدنيا ضلمة اوي من غيرك يا بابا يا حبيبي
وانا طول عمري بخاف من الضلمة



-------


5 التعليقات:

Ramy said...

أزيك يا بسكوته

أنا مقدر مدى الحزن اللى موجود عندك علشان حصل كده مع أختى لما بابا اتوفى

أحنا كلنا مش من هنا

و بابا دلوقت فى مكان أحسن

ربنا يرحمه

و هيكون دايماً مكانه فى قلبك

و زى ما افتكرتى كان بيقولك ايه فى الأمتحانات

هتفتكريه مع كل موقف فى حياتك

ربنا معاكى دايماً

شرف ليا طبعاً أن يكون ليا أخت زيك

بوبو said...

وبعدين فيكي يا بسكوتاية صغنونة وهشة وقوية ف نفس الوقت.. اوعي غياب بابا الله يرخمه يخليكي تبطلي تحبي الدنيا والحياة.. بالعكس.. خليه دافع انك تحققيله اللي كان نفسه يشوفه فيكي.. قولي لنفسك دايما: لسه ف عمري بقية افرحه بيه
الاحباب لما بيغيبوا بنحبهم اكتر.. دا صحيح.. بس كمان بنبقى عاوزين نرضيهم اكتر واكتر واحنا عارفين انهم اكيد اكيد حاسين بينا وبكل حاجة بنعملها. ربنا يديكي الصحة وطول العمر ويقويكي ويثبت قلبك

Tarkieb said...

مين قال ان لو حد توفى مش موجود ..صدقيني موجود وشايف وحاسس بيكم كلكم وفرحته حتكون اكتر لما اختك تنجح وانه يحس انه سايب واره حد قوي ويقدر يكمل اللي بناه ...

اسيره الاحزان said...

البقاء لله يا حبيبتى حاولوا ديما تعملوا اللى كان نفسه فيه وهو هيفرح بيكم واتاكدى ان روحه حوليكم

ان شاء الله ربنا يوفق اختك وينجحها يارب وتحقق كل اللى كان باباكى نفسه فيه يارب

البقاء لله

فاتيما said...

الموتى ليسوا موتى بالنسبة لنا
حتى ننساهم

جورج إليوت

------------------------
ان شاء الله كلكم
هتكونوا بخير
وزى ما بابا عاوز ..

صباح الخير
والنجاح بتفوق
ان شاء الله يا حبيبتى