Jun 20, 2011

مش كنا لسة سوا

I can not stop crying

what should I do?


انا اضعف من كدة ياربنا



--------------------

يابابا ليه عمرك ما كلمتني عن يوم ما هتمشي وتسيبنا

هعمل ايه دلوقت من غيرك؟؟

طيب والحاجات اللي كنا متفقين نعملها
مين هيعملها؟؟؟

طيب وانا محتجالك انت ومش حد غيرك هتصرف ازاي؟؟


يابابا طول الوقت بشوفنا انا وانت واحنا بنتكلم او وانت بتطلب مني حاجة
او وانا جنبك في العربية او وانا بحكيلك او بسمعلك

انا بكلمني وبكلمك ومش بكلم غيرك

ببص لصورتك واستغرب انت ازاي مبقتش هنا
مش كنا لسة بنحكي سوا هنعمل ايه الايام الجاية

حاسة اني اتغدرت
اتضحك عليا

متفقناش على كدة

يارب
انا عارفة انك مش زعلان مني
انت عارف انا قلبي مدبوح



اعمل ايه؟؟؟؟؟؟؟؟




ازاي في ناس بتسالني مالي؟؟

ازاي مالي يعني



ببكي عليك وعليا
انا مش انا وانت مش هنا



الدنيااااااااا الكبيرة دي
فجأة بقت فاضية وساكتة
وبكرة بتاعها تقيل
وفي نفس الوقت دوشة ومرهقة




3 التعليقات:

Ramy said...

بسكوته
أختى العزيزة

عارف احساسك يمكن انا كنت زى كدة أخدت فترة كبيرة بعد وفاة بابا أبكى باليل
بس بعد فترة حسيت انى كده بأتعبه لأنه حاسس بيا برده حتى لو كان مش معايا

الحاجات اللى اتفقتوا تعملوها مع بعض بأذن الله تعمليها
لآن كده هتحسسيه ان انتى فاكراه مش بس بحزن لأ كمان بفرح ان انتى بتعملى اللى كان عاوزة و هوا هيفرح لفرحك

انا عارف مهما قلت مش هعرف اخفف عنك بالذات الفترة دى

ربنا معاكى و يريح قلبك و يقويكى

Bola 7elmi said...

ربنا يرحمووو .. ويسكنو فسيح جناتو
وربنا يقويكي :)

Shaimaa said...

أنا بقرأ كل البوستات القديمة اللى مقرأتهاش وأنا غايبة
جواكى وجع كبير أوى مش لاقية كلام يداويه
ربنا يصبرك ويبرد نارك ويجيب حق والدك وينتقم من اللى عمل كدة شر انتقام