Oct 8, 2011

Feeding the Sparrows



http://joannast.tk

على السرير والموبايل جنبها مستنية ومش مستنية
عاوزة تنام وبتقاوم
يمكن يبعت حاجة

مرة ورا مرة تبص للموبايل
مرة علشان تشوف الساعة
ومرة تتأكد انه مش صامت

ولما النوم يحاول يغلبها تاني
تقرر تستسلم
فجأة تسمع صوت الموبايل في رسالة وصلت

تخاف تكون بتحلم تمسك الموبايل وايدها بتترعش
تلاقي اسمه قدامها
تغمض عنيها
عاوزة تفتحها لكن خايفة

ولدقايق تبص للموبايل ومفيش على وشها اي ملامح وكأنها في حالة اللا حالة وكأن وشها صفحة بيضة مستنية كلام رسالته يرسم حالة تعيشها

واخيرا تفتحها وتقراها



******


الصبح بدري
ابتسامتها تسبق نور الشمس
وعلى شباكها واقفة
وفي ايديها حبات الرز
بتأكل العصافير


تمسك الموبايل


علشان تصبح عليه

**********

على موبايله اسمها يظهر مع صوت الرسالة يلاقيها كاتبة

Thanks for feeding the Sparrows

:)
يعرف انها نامت مبسوطة


يبتسم
:)



ويعرف انهم خلاص اتصالحوا






7 التعليقات:

Miss LoZa said...

MORE THAN AMAZING ,, bgd 2lbii daa2 wana b2rah <3<3

Miss LoZa said...

انا قريت البوست تانى
وهعمل كومنت تانى
علشان عجبنى اوى اوى

ساره said...

بوست رقيق جدا" وكله ماشعر عذريه

انتي جميله جدا يا حسناء
:*)

Baskouta said...

Lozty,

A7la ma fi el post en enti 2lbk d2... :)

yarab kol d2at 2lbk tb2a 7ob x 7ob

:)

Baskouta said...

سارة

هو في أرق منك انتي يا سارة
في اجمل من قلبك؟
I do not think so

happy that you like it.

Smile baby
:)

واحد من الناس said...

جميله أوي الحاله

وجميل تعبيرك عنها

تحياتي لك

Tarkieb said...

اللي عنده حبيب مسهره يجيب سبارو يفطره وعجبي