ليه اتقتل؟؟؟؟؟؟؟

بابا ليه اتقتل


علشان شوية مجرمين خلوا السلاح في مصر كأنه بونبوني في متناول الجميع

علشان شوية مجرمين قرروا مايقوموش بواجبهم لما سابوا عربية زي دي متفيمة ومفيش عليها نمر تمشي في طرق مهمة زي دي من غير ما نقطة تفتيش واحدة او كمين واحد يفتشها ويشوف كمية السلاح اللي كانت معاهم

علشان في نظام فاسد قال عليكم بالاختيار اما الفوضى او الاستقرار ومن بعد التنحي بدقايق وسرقة الاراضي والنهب وضرب النار وارهاب الناس ابتدى
شفت بعيني حاجات كتير
وشفت بابا في التلاجة
وشفت من بعده ولسة بشوف ايام مرة اوي


انا ليه بقول الكلام ده دلوقت بعد 51 يوم من وفاة بابا
لان لحد النهاردة المجرمين لسة ماليين الطرق
والسلاح لسة بيدخل البلد
والاهالي كل يوم بتفقد اعز ماليها
والتلاجات كل يوم بتتملي ضحايا
وشهادات الوفاة كل يوم بيتكتب فيها
سبب الوفاة : طلق ناري
والموظفين لسة بمنتهى السخافة اول ما يلاقوا حد بيقدم شهادة وفاة فيها طلق ناري
يشهقوا الشهقة المعهودة ويسألوا نفس السؤال
اتقتل ليه وازاي ؟؟؟

بابا وغيره ممن قتلوا ظلما وعدوانا
ربنا رحيم بيهم
يرحمهم ويسكنهم جناته


انا وغيري من اللي فقدوا اعز ما ليهم
ربنا رحيم بينا
يرحمنا ويصبرنا وقادر يطبطب علينا


اما الظلمة المجرمين
اللي لسة عايشيين حياتهم
على دم اهالينا وعلى دموعنا

فربنا مش بيضيع حق المظلوم

حسبي الله ونعم الوكيل

اللي شاف الحلقة اللي ظهر فيها والد ووالدة الشهيد د\ أحمد أحمد السعيد الزقرد
اللي اتقتل من كم يوم على الطريق الدولي بنفس البشاعة
هيعرف ليه بكتب كدة

واللي سمعها وهي بتقول شفت ابني في التلاجة
واللي منكم عارف ان انا كمان شفت بابا في التلاجة في دمه
هيعرف ليه بكتب بدموعي الكلام ده


يارب عليك بالظلمة
عليك بالظلمة
عليك بالظلمة
اللي قتلوا بابا وغيره
واللي ساعدوا الناس يبقوا مجرمين
واللي دخلولهم السلاح
واللي ماقموش بواجبهم وسابوا الطرق من غير حماية
واللي قرروا ان الكلمة الاولى في مصر تبقى للفوضى

يارب
يارب
يارب

انت اعلم بحالي
صبر قلوبنا يارب وبرد نارنا

وبدعي لكل حد يارب ما تشوفوا شر

واسفة على البوست الحزين والبوستات الشبيهة
بس انا ابويا اتقتل بالرصاص وانا اتدبحت بسكينة غيابه

يـــــــــــــااااااااااارب

ياربنا انت عارف ...انا قلبي بيقولك من غير ما اقول.

طبطب علينا يارب
طبطب على قلوبنا

ياااارب

طبطب عليهم

We All Need This.



الطبطبة

حلوة
طيبة
حنينة
وفيها مشاركة

طبطب على نفسك لو مش لاقي اللي يطبطب عليك
ولو لقيت اللي يطبطب احضنه اوي واشكره
لان الاحساس اللي بتوصله الطبطبة بجد يستحق كلمة شكرا

حقيقي شكرا
--------------------------

الدموع مش بتمسحها المناديل
الدموع بتمسحها الكلمات الحنينة
والطبطبة اللي من القلب

--------------------------

اول مرة

--------------------------

كل يوم في كلامنا

--------------------------

Those who affect your life even when they are not here.

---------------------------

حسيت
ويمكن عرفت
بس مقدرتش تقول
او يمكن تكون قلت
بس احنا اللي مخدناش بالنا

---------------------------


Don'r Worry.... I'll be Ok or may be I won't.

---------------------------

لااااااااااا مبيحبش حد اكتر مني
كان بيحبني انا اكتر واحدة

--------------------------

طبطب على حبايبك
Give Some Free Hugs.


Daddy,There is nothing Like your dabbing.

مش كنا لسة سوا

I can not stop crying

what should I do?


انا اضعف من كدة ياربنا



--------------------

يابابا ليه عمرك ما كلمتني عن يوم ما هتمشي وتسيبنا

هعمل ايه دلوقت من غيرك؟؟

طيب والحاجات اللي كنا متفقين نعملها
مين هيعملها؟؟؟

طيب وانا محتجالك انت ومش حد غيرك هتصرف ازاي؟؟


يابابا طول الوقت بشوفنا انا وانت واحنا بنتكلم او وانت بتطلب مني حاجة
او وانا جنبك في العربية او وانا بحكيلك او بسمعلك

انا بكلمني وبكلمك ومش بكلم غيرك

ببص لصورتك واستغرب انت ازاي مبقتش هنا
مش كنا لسة بنحكي سوا هنعمل ايه الايام الجاية

حاسة اني اتغدرت
اتضحك عليا

متفقناش على كدة

يارب
انا عارفة انك مش زعلان مني
انت عارف انا قلبي مدبوح



اعمل ايه؟؟؟؟؟؟؟؟




ازاي في ناس بتسالني مالي؟؟

ازاي مالي يعني



ببكي عليك وعليا
انا مش انا وانت مش هنا



الدنيااااااااا الكبيرة دي
فجأة بقت فاضية وساكتة
وبكرة بتاعها تقيل
وفي نفس الوقت دوشة ومرهقة

Just this.

Just a dream

To Go back in time just for once.

To rewind the day 7^th of May 2011.

To hit the Pause button at 1:00 p.m

To hold the hand of my father and put it against my heart

To Say : " I love you Dad , I love you more than any thing in the world and I am sorry for anything that might made you angry at any time"

To hug him.

To kiss his hand.

To say " Thank you Daddy for everything "

To make a wish.

To tightly hold his hand.

To hit the Continue button

And finally to let Go of his hand.

It's God's will

It hurts me so much knowing that I have to go through life without you Daddy.

But

Love you

انت يا بابا هنا

(1)

لما بابا كان هنا مش كل الوقت كنت ببقى شايفاه اوقات كنت ببقى معاه واوقات كان يغيب او يسافر دلوقت هو عند ربنا بس معايا في كل مكان حساه بروحي اوي لكن عينيا بس هي اللى مبقتش شايفاه


---------------------

(2)

طفلة صغيرة من اطفال العيلة عندها يادوب 7 سنين بتحب بابايا اوي كانت قاعدة جنبي امبارح حضنتني وطبطبت عليا وقالتلي انتي زعلانة ليه قولتلها علشان مش هشوف بابا تاني ووحشني اوي

قالتلي : لا , غلط ... احنا كلنا هنشوفه تاني لما نموت


----------------------

(3)

الميراث الحقيقي
اصدقاء بابا الحقيقيين اوي اللي حزنهم على فراق بابا اكبر من اي كلام

ذكريات وسيرة طيبة تتقالي عن بابا من ناس اول مرة اقابلهم

صور بابا اللي قليلة بس كلها حياة

موبايله ونضارته ومفاتيحه وبطاقته واوراقه ...حاجات بسيطة بس غالية اوي علشان كانت دايما معاه ولمساه
--------------

(4)

في ناس لما بتموت .... بتموت
وناس حتى في موتها عايشة معانا الحياة


--------------

(5)

سارة اختى ثانوية عامة
النهاردة كان تاني يوم ليها في الامتحانات
سارة لابسة سلسلة فيها صورة بابا
وهي في الامتحان وقفت معاها مسألة ... افتكرت بابا وبعدين قررت تحاول تاني في المسألة حاولت وحلت ولما خلص الامتحان وهي خارجة مسكت السلسلة اللي فيها صورة بابا وباستها
وهي خارجة من اللجنة المراقبة سألتها صورة مين دي اللي في السلسلة

قالتلها : صورة بابا
ردت المراقبة : يا سلام وتبوسيه ليه ماهو ابوكي في وشك ليل نهار ايه ده يعني ... ميصحش كدة يا بنت

سارة قالتلها : لا بابا مات من شهر
ردت المراقبة بعصبية : برضه مايصحش واصلا حرام الصور سواء في سلسلة ولا في البيت ...فاهمة؟

سارة رجعت البيت بتعيط من طريقة كلام المراقبة مش هقول ان الموقف يستدعي البكا ..هي سارة بس اللي حساسة اوي انما حقيقي انا معرفتش ارد على سارة لما سألتني هي ليه المراقبة زعقتلي كدة

اللي عارفاه انها اكيد كان ممكن تكلمها بطريقة ألطف من كدة

مكاني مش هنا

الحبايب لما يغيبوا بنحبهم اكتر
اصل الغياب بيخلينا نشتاقلهم
ولما بنشتاق بنفتكر كل الحاجات الحلوة اللي عملوها او قالوها
ولما نفكر في ذكرياتنا الجميلة سوا بنحب اكتر


-----------------

انا بحبك اوي يابابا
وعارفة ان ربنا بيحبنا وبيخللي باله مننا
وهيوصلك سلامي وحبي


-------------------


ضحكتك يا بابا في صورك بتقولي اكون كويسة
وانا قلبي يابابا بغيابك ساكن بيت حزين ومش قادر يخرج


----------------------

سارة امتحانها بكرة يا بابا

قلقانة ومتوترة ومرعوبة
حضنتها وقولتلها حبيبة باباها لازم تبقى اقوى من كدة
وفي لحظة افتكرت كلامك لما كنت بتطمني قبل اي امتحان
يابنت خليكي جدعة ...ده حتة امتحان افرميه وتعالي طمنيني



-------------------------



35 يوم يابابا
من غيرك
مستنية اكون معاك




----------------



وانت مش هنا
انا مكاني مش هنا



------------



الدنيا ضلمة اوي من غيرك يا بابا يا حبيبي
وانا طول عمري بخاف من الضلمة



-------

بــنــت بــابــا

طول عمري مكنتش بكسف اي حد يقولي " انتي بنتي " او " انتي زي بنتي " او اي كلام شبه ده وكنت بتعامل
مع الكلام ده
بزوق وبفرحة ان الناس شايفني بنوتة لطيفة
ويتمنوا اكون بنتهم
من يوم 7 مايو 2011 من يوم وفاة بابا
وانا برد رد واحد بس على اي حد يقولي انتي بنتي
رد ممكن حد يحسه عدواني او يشوف انه رد مش مناسب
لكن الرد ده بيطلع مني بتلقائية وبيطلع من قلب قلبي
وكاني بالرد ده بحضن بابا

برد اقول

انا مش بنت حد

انا بنت بــــابـــا O.0

I'm Daddy's girl

الأهــــــم

انا شفتك يا بابا في الحلم

مش فاكرة التفاصيل ...مش مهم

اني شفتك ده الجميل ...اني شفتك ده الاهم.

I Miss you Daddy