مش عاوزة حب في عيد الحب
متنازلة عن حقي في عيد الحب
متنازلة عنه ونفسي يروح الحب ده
لقلوب الناس الوحشين القاسيين الشريرين
اللي لسة مش عارفين يحبوا مصر ازاي
اللي لسة قادرين يتجاهلوا الحب اللي نور مصر
وبيحبوا نفسهم اكتر
ولسة قادرين يسرقوا وينهبوا ويخربوا ويروعوا الآمنين
ويجيوا على حق بعض ويزعلوا بعض
بسأل نفسي هم ازاي كدة؟؟؟
ازاي بيتجاهلوا ولادة روح جديدة محتاجة كل حد في البلد دي يطبطب عليها
اللي لسة الحب مطهرش فيهم شيء
عاوزة اقولهم ياللي بتحبوا نفسكوا اوي كدة
اتعلموا تحبوا بعض وتحبوا مصر
علشان احنا ماشيين وهي اللي باقية
ومصر حبيبتي
ما بتفتكرش من اللي بيمشوا
غير اللي عرفوا يحبوها صح
ومصر هتفتكر شهادئها
هتفتكر ناس حبيتها اوي
هتفتكر ناس التحرير
واللي ساندوا التحرير
واللي بيحلموا يبنوا مصر جديدة
هتفتكر ناس
حبيتها اكتر من نفسها
مصر هتفتكر حبايبها
ورغم اني لسة معملتلهاش حاجة تكفي حبي ليها
بس انا عارفة ان مصر حبيبتي
وعارفة ازاي احبها
مش متخيلة ان الحب قدر يطهر مصر
ولسة في ناس متعرفش يعني ايه حب مصر
.jpg)
.jpg)
14 التعليقات:
لا تنازلات بعد25يناير
دا بالعكس بئا
دا حاليا نمشيها شرعي
أربع هدايا
لكل رجل
ههههههههههههههههههههههه
كل عيد حب وأنتي طيبه
هابى فالنتين يا عيونى ى ى ى
ولو اتنازلتى عن حقك السنة دى والعشر سنين قدام
هيفضل قلبك مليان بالحب برضو وعمران ع الآخر وقادر يوزع الباقى منه كمان ع الناس التانية
للأسف
فيه ناس انا بقول
قلوبهم مقبرة
خلاص مفيش فايدة فيهم
ولا تتعبيش روحك معاهم
اللى اتعلم ياخد
لأ ياخد ايه ؟!!!!
اللى اتعلم ينهب
ميعرفش يرجع يدى تانى
دا مفيش منه أى امل
ومش قلة ايمان منى
بس العالم دى
تخاف ..متختشيش
والحساب والعقاب حلها الوحيد
عشان غيرهم يتعظ
وميعملش زيهم
كل عيد حب وانتى معايا
يا بسكـــ♥ـــوتى
السنه دى يا بسكوته احلى عيد حب
عيد الحب السنه دى بطعم الحريه
بلون علم مصر الرائع
اللى اول مره ابص له بنظره تانيه و احس بيه حلو اوووى
ربنا يديم علينا الحب الحقيقى و الحاله الجميله اللى احنا فيها دلوقت
و لا عزاء للدباديب
مصري جدا
كل عيد حب وحضرتك طيب
ومصر بخير
وان كان على الهدايا فاحنا ربنا ادانا احلى هدية " مصر" يارب نقدر نحافظ عليها
ميرسي لحضرتك
مامتي فاتيما
وانتي طيبة يا مامي
وكل عيد حب وانتي بخير
ومصر بخير
:)
صيدلانية
كل سنة وانتي طيبة
وكل عيد ومصر في عيد
وربنا يديم علينا حب مصر
ويقدرنا نحافظ عليها
:)
المحبة
الحب طول مفيش حب فى قلوب الناس
مش هيقدروا يحبوا مصر
بس نحمد ربنا انهم قله
و ربنا يزرع فى قلوبهم المحبة
كل سنة و انت طيبة (:
و يحقق لك ربنا كل أمانيكى
(:
مصر جميلة
و تستاهل نحبها و نقف جنبها
كلامك في حب مصر حلو :)
و يا رب كل القلوب تبقى طاهرة بما يكفي لحب مصر :)
و ربنا يخلي مصر
برغم انى بعيده عن النت من يوم نجاح الثورة بس جيت اقولك
بحبك عشان انتى بنت جدعة
كل سنة و انتى بخير
I'm proud of being one of those brave citizens
happy valentine day for my mother Egypt
بساكيتوووو
انتى غطسانة فيييييييييييييين ؟؟
عمك بخير ؟
وانتى كويسة ؟
طمنينى عليكى
الايميل مرخم معايا ومش راضى يفتح خالص
ابعتيلى ع المدونة الرد
طمنينى
بحبك ووحشتينى ى ى ى
♥
ازيك يابساكيتوز
هابى فلانتين ليكى وللى بيحبوكى ولمصر وللناس كلها
Hello! I just wanted to take the time to make a comment and say I have really enjoyed reading your blog.
Post a Comment