عفوا !!!!!!!!!!!!!! د\مروة الشربيني ليست ضحية الحجاب

To all those who used to follow my blog to read my posts in English language…To all those who used to see only poems and small articles in this blog in which I express my feelings: Dear readers Allow me to express my feelings this time in Arabic…As the anger here inside me is so furious and it is urging me to give a loud cry in my native language addressing those who feel so much pain for the murder of the late Dr.Marwa El Sherbini.

عفوااااااً!!!!!!!!!! مروة الشربيني ليست ضحية الحجاب.

د\مروة الشربيني رحمها الله واسكنها فسيح جناته
ليست ضحية الحجاب.
مروة الشربيني ضحية الجهل ... جهل العالم... جهل الغرب
اه جهل ومفيش كلمة تتقال غير كدة
يعني لو كان واحد تاني مسلم واتقتل لمجرد انه مسلم على ايد واحد متعصب كنا هنقول انه ضحية الإسلام ... لاااااااااااااااا المفروض نقول انه ضحية جهل العالم بمعنى الاسلام ... بسماحة الإسلام ... بروح الإسلام.
جهل ومش عارفة اقول غير كدة....
يعني هو العالم يعرف ايه عن دينا.... يعرف ايه عن الإسلام؟؟؟
يعرف انه دين الإرهابيين... دين المتخلفين...دين الهمج...بس كدة وشكرا
وانهم واجبهم يحاربوا الجهلة والهمج تحت شعار الحرب على الإرهاب

.
والمشكلة اننا عارفين وساكتين... اه ساكتين
عملنا ايه إحنا علشان نقول للعالم ايه هو الإسلام؟؟؟؟؟
عملنا ايه علشان نصلح الصورة اللى شوهها بعض منا بجهلهم برضه..
والمشكلة التانية هو ان إحنا دايما ,اقصد باحنا هنا " الشرق" مطلوب مننا نتثقف ونتعلم ونعرف عن الحضارات الاخرى ..اصل مينفعش نبقا منغلقين ... مينفعش مانعرفش عن الناس دول ... دول سادة العالم واحنا المتخلفين اللى لازم نعرف عن دينهم , عن حضارتهم , عن تقاليدهم اللي لازم نحترمها. لااااازم نعرف ونتعلم علشان نرقى لمستوى التعامل معاهم.
إنما هم لاااااااااااااا ... مش مطلوب منهم ابدا يعرفوا عن الحضارات بتاعة العالم الثالث ... عالم الهمج.؟؟؟ طيب عملنا ايه إحنا علشان نخليهم يعرفوا عننا.... ولا حاجة
مجرد بكاء على الاطلال.. احنا كنا وكنا وكنا ... لكن عمرنا ما عملنا حاجة تخلينا زي ما كنا.

يا كل مسلم وجعك موووووووووت د\مروة ... احزن وازعل وادعيلها بس شوية وفكر ممكن تعمل ايه تخلي الناس دي تغير فكرتها عن الإسلام... مش هقول عندي افكار لكن هقول ان شاء الله هحاول ... ان شاء الله هعمل كل اللى اقدر عليه علشان اغير مفهوم ولو واحد بس من الناس دي عن الاسلام.

مش عارفة أقول ايه غير ان د\مروة ضحية جهل المتعصب اللى قتلها ... إنسان جاهل ميعرفش حاجة عن دينا غير انه دين إرهاب...
علشان كدة بقول لكل الإعلاميين اللى طول الوقت بيقولوا د\مروة ضحية الحجاب... عفوا د\ مروة مش ضحية الحجاب
د\مروة ضحية الجهل.
الله يرحمها ويرحمنا معاها... الله يصبر اهلها واحنا كلنا اهلها.
وسلااااااااااااام ده ان كان لسة في العالم ده معنى للسلام

.