Jan 28, 2012

بعض الاشياء تبقى


غدا أموت

وتبقى بعض الاشياء

هي كل ميراثي

تبقى ابتسامة ترتسم على وجه صديقتي حين تتذكر انني كنت دوما ابعث لها برسالة الصباح لتبتسم متمنية لها صباح جميل

تبقى مني بعض الكلمات بخط يدي تقرأها شقيقتي كنت قد كتبتها في عيد ميلادها متمنية لها حياة سعيدة

ويبقى افتقاد بعض الاشخاص لاشياء كنت افعلها وكلمات لم امل من قولها

تبقى ذكرى حضن منحته لاحداهنن في لحظات كانت توشك فيها على الغرق في بحر من الدموع

وتبقى اصوات ضحكات كنا قد ضحكناها في هذا الشارع قبل سنين حين كنا نلهو مع الاطفال


وتبقى صور... تحمل معها تاريخي

هنا كنت ابتسم

وهنا كنت شاردة

وهنا كنت افتعل الابتسامة

وهنا لم تسع الصورة سعادتي


وتبقى ارقام

اليوم ولدت

وفي ذاك التاريخ تخرجت

وفي هذا اليوم خضعت لجراحة

وهذا التاريخ يحمل ذكريات سعيدة

وغدا رحلت


تبقى زجاجة العطر بما فيها من قطرات قليلة .... تفوح منها رائحتي التي احتفظ بها العطر رغما عني

وتبقى دعوة يدعوها لي احدهم كنت قد قابلته يوما واسديت له معروفا دون ان يعرفني

وتبقى مكالمة على هاتفي من متصل او متصلة لم يصله بعد نبأ رحيلي

وتبقى كلمات كنت كتبتها في صفحتي

ويبقى وجه مبتسم كنت قد رسمته في تعليق على احد المقالات

وتبقى ألوان ارتبطت بي ..فيراها الغير ليتذكرني


تبقى قبلة كنت قد طبعتها على وجه طفل قد يشمئز منه البعض ...فيتذكرني في يوم ويتذكر لحظة حانية نبتت في حضن جبل الظلمات


تبقى نصيحة فاضت بالخير على متلقيها ....فأظل اتلقى ثوابها رغم الرحيل


ويبقى آخرون

لا يرغبون في ذكر اسمي

وغيرهم كارهون لما بقي مني

وغيرهم تؤلمهم ذكرى ارتبطت بي

وغيرهم مزقوا صور جمعتهم بي

وغيرهم لم يهتموا كثيرا بنبأ رحيلي

وغيرهم ناقمون على رحيل افلتني من كيد كانوا قد دبروه لي

وغيرهم وغيرهم

-----------


ويبقى انني

حين أرحل غدا

سأتذكر فقط دعوتي

الا يبقى مني ما قد يؤلم احدهم.


---------------


اصنعوا في يومكم ما يبقى غدا





23 التعليقات:

мαησηα said...

يا حبيبتى انا العمر كله ليكى يارب

تعيشى وتاخدينى ف حضنك

وتعيشى وتقفى جنبى وتبقى صديقتى بجد

اللى بعتبرها اختى واكتر

وتعيشى ونقعدوا نرغى سوا ف التليفون

ونضحك على اللى الناس بيعملواه فيا

وتعيشى وتسيبى وراكى فى كل مكان

تروحيه اجمل بسمة قلب ودى بتبقى

ابقى من بسمات الوجه

اللهم امين يارب

*******

بالنوسبة للحتة بتاعة ويبقى اخرون

معلش لازم لسان منونة الزالف ينطلق

ان شاء الله مايوعوا يعملوا كل الرصة

اللى زى الفل دى

ده والله اللى يخسرك خسران

كتييييييييييييييير

يا ام احلى قلب بينكى بينكى ف

الدنيا كلها

******

:)) وانتى كمان حبيبتى ؛)

rona ali said...

ايه البوست الرهيب دة

بقالي كتير مش شوفتلك بوست

لما دخلت مدونتى ولقيت تحديثات انك حطيتى بوست جايت علي طول

اعتقد انى هفتكرك دايمآ وابتسم رغم انى معرفكيش اوى بس انا بحب الناس اللي اعرفهم من خلال كلمهم وفضتهم بيسيبوا لينا علامه واثر

البوست فكرة حلوة
لو كل واحد فكر ان بكرة ممكن ميكونش موجود كان سعى يرضي امه اكتر كان سعى يسيب ذكرى حلوة عنه لكل اللى يعرفهم

لو كلنا فكرنا بالاسلوب دة هنبقي فعلا متميزين جدآ :))

تحياتى

موناليزا said...

أفكر كثيراً فى هذا أيضاً
لن يبقى منا سوى الذكرى فلنحرص على أن تكون طيبة

ربنا يسعدك ياحبيبتى :)

Miss LoZa said...

بعد الشر عنك يا بسكوتى

عمرك ما هتسيبى لأى حد حاجة وحشة أو حاجة توجعه اصلا

البوست حلو أوى أوى كانت لسه فكرته على بالى ;)

ستيتة said...

بالنسبة لبسكوتة
فأنا أعلم انه سيبقى منها الكثير
ربنا يبارك في عمرك وصحتك يا نور عيني
اما بالنسبة لستيتة
فعجبتني دي
ويبقى انني"
حين أرحل غدا
سأتذكر فقط دعوتي
"الا يبقى مني ما قد يؤلم احدهم
يارب
اللهم آمين
كفاية جدا بالنسبة لي

بحبك

فاتيما said...

بالنسبالنا كلنا المفروض يا ستوتى
اتمنى من الله ان يحسن خواتيمنا
و يسمع منك يا منونتى ...
قادر يا كريييم


لما قريت البوست اول مرة
قلبى وجعنى
اتخضيت شوية
وركزت شويتين لما قريته تانى

دايما اقول
البنى آدم سيرة
ولما اقعد احكى مع أى حد
ع الاوغاد اللى ف حياتى
او حياة أى حد بحبه
او حياة هذا الوطن
او ف الدنيا عموما
أقول يااااااه
يعنى لو كان عمل حجة كويسة
كنا افتكرناه بالخير
خد ايه معاه لما راح ؟
وساب ايه .. ودا الاهم

ساب سيرة زى الزفت هتفضل تلازمه ليوم القيامة
كان جرى ايه لو بس خلى باله
انه ف الىخر مش هيفضل منه ..غير السيرة ؟!!!


حلو البوست قوى
ورقيق
وشفاف
وبيفكر يدى ايه
من غير ما يفكر ياخد

بإختصااااار
بسكوتة


بوسات وحضونات
وصباحات بمبيات يا حبيبتى
:-*

The illusionist said...

مممممممممممممممممممممممم
ممكن نضيف انه سيبقى مدونه
دى لوحدها تقريبا من اكبر الاجزاء فى حياتك
انا عن نفسى مش هنسى خالص ايام عيد ميلاد حد ما وهيصنا وجابلى فيديو هابى بيرث داى بكل اللغات
ولما كنت رايح المستشفى الصبح وحد كان فاتح وتثريبا كانت اخر مره كلمت الحد ده
فى حاجات كتير اكتر من اللى انتى كاتباه
متندرجش تحت تصنيف
بس هتبقى زى دول

Humman being said...

الانسان الحساس أوى ...الانسان الانسان اللى زيك مينفعش يتنسى أو نمر عليه مرور الكرام ... بيفضل مزروع جوانا مش كلامه ولا ضحكته و..و.. بس ....لأ بتفضل انسانيته اللى مش موجودة دلوقتى خالص. ده بجد مش نفاق
ربنا يبارك فى عمرك عشان تكونى سند لمامتك وأخواتك ... ويفرحك ربنا بنجاح فى عملك وحب مع زوج يستاهلك

نهر الحب said...

علي قد ما الكالم مؤلم بس هو حقيقي
بس اللي بيسيب البصمات دي كلها حد يستاهل انه حتي مايتنسيش ابدا ابدا
االانسان العادي الي حتي لو رحل يرحل بجسده لكن باعماله الحلوة لكل الناس اللي بتفضل باقيه مع مرور السنين

ربنا يحميكي يا رب ويديلك العمر اللي تبقي سعيدة وتسعدي كل الي حواليكي

Tarkieb said...

ربنا يديكي طولة العمر يا ستي......وحياتك حتى ما غير الواحد يموت بنفتكره بالحاجات دي كلها......وانت اكتر واحدة بتغيبي على فكرة .....وعلى رأي المثل غياب البسكوت اصعب م الموت

فاتيما said...

مبتردش علينا ليه يا بسكوت يا بمبى ؟

تقلان علينا ليه
ومش عاوز تطلع م الباكو الدانتيل
ابو فيونكة ستان روز ...
وبربببببق

:)

انا راجعة م المعرض خلصاااانة
وداخلة اعمل زى الناس ف اوزبا والدول المتقدمة ...
أنام

قولت أغتت بقى
واقولك تصبحى على خيييير
وبكرة لينا وقفة
مع البسكوت اللى بيتدلع علينا دا
هه

سلاااااام

Baskouta said...

منونتي:
وتعيشي انتي ليا ياحبيبتي
ونرغي ونضحك وحلم كتير
اما عن ابتسامات الفلوب فمعاكي الف حق
هي دي اللي بتفضل بجد

وعن الناس الاخرين

فدول لازم منهم في حياة كل حد
مفيش حد كل الناس بتحبه
ولا حد كل الناس بتكره

المهم اننا على قد ما نقدر نحاول مانوجعش حد

انا بتحبك اوي
علشان انتي حبيبتي
:)

Baskouta said...

Rone ali
اولا انا بسكوتة مبسوطة جدا انك بتابعيني وتقري بوستاتي المتواضعة

مبسوطة اكتر انك هتفتكريني وتبتسمي
دي عندي بالدنيا

يارب كلنا نسيب دايما ورانا اثر طيب وحنين والوانه مفرحه يسعد كل اللي يعرفونا

انتي اللي حسستيني اني متميزة بتعليقك
ميرسي ليكي يا جميلة
وصباحك بسكوتي بطعم الشوكولا

Baskouta said...

موناليزا

كلنا يا ليزا لازم نفكر كدة
يارب دايما ربنا يقدرنا نعمل ذكرى كويسة

ميرسي على الدعوة الحلوة
ربنا يسعد قلبك انتي كمان
وكل الناس يارب
:)

Baskouta said...

Miss Loza
لوزتي الشقية

يارب يا حبيبتي ماسيبش حاجة توجع حد
دي دعوة غالية اوي
ربنا يسمعها منك

ومبسوطة ان البوست عجبك
انتي حبيبتي
:)

Baskouta said...

دكتور ستيتة
دكتورتي حبيبتي

اولا اولا اولا انا بسكوتة بتحبك اوي اوي
وبفرح اوي لما حضرتك تكتبيلي
بحس اني حد سبيشيال

اما بالنسبة للدعوة اللي عجبت حضرتك
فدي حقيقة بالنسبة لحضرتك
القلوب اللي زي حضرتك
عاملة زي النجوم المضيئة مكان ما تكون بتنور وتفرح اللي يشوفها

بالنسبالي
يكفيني علشان ابقى بجد مبسوطة اوي
ان حضرتك تحبيني كدة وتشوفيني بعين حلوة كدة

انا بحبك اكتر

Baskouta said...

فاتيما

مامتي

انا مش كنت عاوزاكي تتخضي

وطبعا متفقة جدا
البني ادم سيرة
ياريت الكل يفتكر كدة
ويعمل لكدة

وانتي اللي رقيقة وشفافة
علشان بتحبي البسكوت وبتقريه

صباحات بسكوتات
وماتحرمش من صباحاتك

Baskouta said...

illusionist

اه فعلا هتبقى مدونة
وهي فعلا جزء كبير اوي في حياتي

وهيبقى اخ زيك يفتكرلي حاجات حلوة انا نفسي ماكنتش فاكرها
ومع انها حاجات كانت بسيطة مجرد اغنية في عيد ميلاد
وسؤال عليك
بس فرحانة انها حاجات فرقت معاك
وافتكرتهالي

يارب دايما تفتكر حاجات جميلة لكل اللي حواليك

give it a Smile my dear bro
:)

Baskouta said...

Shaimaa
حبيبتي شيما الرقيقة
اللي كل كلامها لونه ابيض في بينك
ودعواتها وامنياتها دايما طيبة ومفرحة زي قطرات المطر النونو اللي بنفرح بيها

انا مش عارفة اقولك مبسوطة اد ايه بكلامك الحلو
ربنا يبارك فيكي وفي قلبك الحلو ويفرحك
بكل حاجة تتمنيها
ويبعتلك حب يراضي قلبك
انا بسكوتة بتحبك

Baskouta said...

نهر الحب

مبسوطة بتعليقك
وفعلا الجسد هو بس اللي بيرحل
والعمل الحلو هو اللي بيعيش للابد

ميرسي على الدعوات الحلوة

واتمنالك زيهم واكتر
:)

Baskouta said...

Tarkieb

انا بسكوتة بتفرح بتعليقاتك جداجدا بجد

وبكل الثقة البسكوتية اللي في الدنيا
اقدر اقول ان انت فعلا بتفتكر البسكوت بحاجات حلوة

ودي حاجة مفرحة البسكوت جدا

ثقة بقى
ههههههه

:)

وعجبني المثل
اوي

Baskouta said...

فاتيما

انا مش تقلان ولا اقدر ابدا اعمل كدة

وانا لو هرسم نفسي كبسكوتة
مش هوصل للوصف الرقيق بتاعك ده

باكو دانتيل بفيونكة ستان روز

الله

انتي جميلة


وانا لحقت نفسي من الوقفة اللي مع البسكوت اللي بيتدلع

تصدقي انا وحشني اتدلع على بابا اوي
:(

بس مفيش مانع ادلع عليكي
:)

ساره said...

انا هنا اللي بتكلم يا بسكوته
احساسك رائع
وكلامك طلع من قلبي
لوووڤ يوووو