Dec 30, 2009

نتااااااااايج نتاااااايج يلاااااااا النتايج + Happy New Year










ناااااااااايج استفتاااااااااء المدونات 2009

اصدقائي صديقاتي , زملائي زميلاتي .... نتااااااااااااااااائج الاستفتاء
كلاااااااااااااام مهم عاوزة اقوله
اولا مش هنكر ان الموضوع طلع اصعب مما كنت اتصور
وطلع مرهق جدا ... انك تراجع وتحصر وتعد النقاط وترجع تتاكد انك منسيتش حد
انا حسيت اني في دوامة .... وبقيت عاوزة اعيط واقول

انا اللى جبت ده كله لنفسي
ولكن
ولكن
ايوة ولكن
بعد ما سهرت سهراية طويلة
فجأة لقيتني خلصت
فرحت وقولت والله خلصت ...؟؟؟؟؟؟ بجد خلصت
هيييييييييه
اخيرا

دخلت بقا بعدها في حيرة تانية
انا هعلن نتيجة الاستفتاء ازاي ؟؟؟؟؟؟؟
شكل بوست النتايج يبقا عامل ازاي؟؟؟؟؟؟؟
اسئلة كتير وكتير
ومشاورات ومداولات مع نفسي ومع بعض الصديقات

بعد الحيرة
ثم
الحيرة
مع القليل
الحيرة
بالاضافة الى
شوية حيرة

قررت ان انتوا اكيد هتعزروني لقلة خبرتي
ونظرا لان دي اول مرة ليا
قررت اني اسيب نفسي اكتب البوست زي ما يجي في بالي
من غير ما ارتب افكاري
وانا قولت ايه ؟؟؟
انتوا حبايبي وهتعزروني

انا لو ليا عمر وعملت الاستفتاء ده مرة تانية
اكيد هبقا اخدت خبرة
اكيد هستفيد من اقتراحات كتير من الناس
اكيد هيكون الموضوع منظم بشكل افضل
والمدونات مصنفة بشكل افضل

معلش بقا اول مرة

المهم
مش هطول عليكم


شكل النتايج

نظرا لان في عدد من المدونات حاز على اكبر عدد من النقاط باجماع الاراء

فانا قررت اعمل ترتيب
المركز الاول
المركز الثاني
المركز الثالث ........ وهكذا
وطبعا ده وفقا لعدد الاصوات اللى حصلت عليها كل مدونة او كل مدون
ااااااااااااه

استنوا

نسيت

انا هذكر المدونات اللى دخلت المنافسة وبشدة

وبعتبر ان المنافسة اللي ظهروا فيها واثبتوا فيها وجودهم

هي تقدير من زملائم وزميلاتهم لازم اذكره
كماااااااااااان
متنسوش وسط فرحتكم بالمدونات
تدعوا للناس اللى منا ورحلوا عنا
كارول
و
الفارس الملثم
بشكرك يافاتيما على قلبك النقي اللى دايما فاكر اللى حاضر واللى غاب

نقوووووووول

بسم الله الرحمن الرحيم


القسم الاول : أفضل ثلاث مدونات

مدونات داخل المنافسة
اكتب بالهمزة - تظبيط - عجوز وعندي 30- رئيس جمهورية نفسي - صبرني يارب - الدنيا ريشة بقلم – جاليري - حكاوي اخر الليل - احمد الصعيدي - عنبر العقلاء- كله كلام - عقل مهوي - رسائل من الدوحة - ليس فقيرا من يحب - حكايات بوبو - احمد الجريدلي - حبشتاكانات فلسفية- بروميس - بعبة بلوجارية الرحايا - روح قلب ماما – سووووووو- مش عارفة بس نفسي اعرف - بت خيخة واي كلام - حنعيش يعني حنعيش - جبهة التهييس الشعبية - عارفة مش عارف ليه - فشكول دوت كوم - هل تبحث عن السعادة -فكك مني يامراكبي - لست الا بعض الاوراق – قوس قزح – أمة الله – Appy Planet– رئيس جمهورية نفسي .

المدونات الفائزة
المركز الاول : روح فلب ماما
المركز الثاني : بت خيخة واي كلام
المركز الثالث : مش عارفة بس نفسي اعرف
المركز الرابع : حنعيش يعني حنعيش – جبهة التهييس الشعبية – عارفة ....مش عارف ليه
المركز الخامس : امة الله – فشكووول دوت كوم – هل تبحث عن السعادة – فكك مني.- عجوز وعندي 30

--------------------------------------------------
القسم الثاني أفضل ثلاث مدونين

مدونين داخل المنافسة
بوبو \ احمد القاضي يا مراكبي \ نوران – بت خيخة \ زيكا – المخرج \ ايوشة – تخارف واحاسيس ايوشة
احمد ابو العدل ماذا بعد \ احمد ابو العلا \ د\ ياسر \ مسدس صغير \ رحاب – Appy planet \ سارة من السعودية \ كاميليا \ د\ اسلام \ بروميس \ شيما الشعب لابد له من حكومة \ داليا قوس قزح \ صبرني يارب \ موناليزا \ محمد غالية \ د\ستيتة \ فاتيما
Rashid \ Isolde \ احمد كمال \ حنين القلب \ محاسن صابر عايزة اطلق \ لاسع افندي \ هعزف لنفسي \ راجية الرحمة \ احمد الصباغ \ عسقول \ احمد سووووو

أحمدK.

المدونون الفائزون وفقا لعدد الاصوات
المركز الاول : د\ ستيتة
المركز الثاني : فاتيما
المركز الثالث : داليا قوس قزح و نوران بت خيخة
المركز الرابع : احمد القاضي يا مراكبي
المركز الخامس : رحاب ابي بلانيت - احمد ابو العلا - صبرني يارب


------------------------------------------------------

القسم الثالث أفضل ثلاث معلقين

معلقين داخل المنافسة
ابن حجر العسقلاني \ احمد القاضي – يا مراكبي \ د\ ستيتة \ تامر علي \ عمرو بدر \ فاتيما \ محاسن صابر \ احمد ابو العلا \ عادل اليلد دي فيها حكومة \ شريف باشا هجايص \ الكيت كات \ بدراوي \ حسن ارابيسك \ مصطفى ريان \ ليسندرا \ هاني حامد \ مهندس مصري \ مجداوية \ الفراغ \ ابن رشد \ واندا سواحة في الكون \ سكرة سكرة وبحر الحياة \ احمد الصعيدي \ ليس فقيرا من يحب \ احمد سعيد \ مهندس حر \ احمد عاطف \ قوس قزح \ وليد عارفة مش عارف ليه \ تاية في وسط البلد \ نوارة \ برومس \ شيما الشعب لابد له من حكومة \ واحدة مفروسة \ شريف لست الا بعض اوراقا \ مواطن شجاع \ تامر على الدنيا ريشة وقلم.

الفائزون
المركز الاول: فاتيما روح قلب ماما
المركز الثاني : د\ ستيتة مش عارفة بس نفسي اعرف
المركز الثالث : عادل البلد دي فيها حكومة
المركز الرابع : احمد القاضي يا مراكبي و ليس فقيرا من يحب
المركز الخامس: تامر علي الدنيا ريشة وقلم .

---------------------------------------------------
القسم الرابع : افضل ثلاث بوستاااااااااااااات

هنا بقا مفيش مراكز نظرا لتنوع الموضوعات وساكتفي بذكر كافة البوستات التي تركت اثرا في عقول وقلوب المدونين والمدونات

العبر والدروس في اصول البحث عن العريس والعروس – الدنيا ريشة وقلم
سلسلة قلب – صبرني يارب
مراهقة الصبيان واللحظات الحرجة – بعبعة بلوجارية.
سلسلة تخاريف – د\ ستيتة
الساعة 6 من 6 سنين – حازم النبراوي
ضابط امريكاوي – سووووووو
حبيبة زوج – د\ ستيتة
مجرد راي – البلد دي فيها حكومة
قبض الريح – فاتيما
If I were مدونة sentimental prints
مين قال ان القمر بنوتة mimi
هناك فرق – ابداعات شاب ثائر
عم حميد – امراة بعقل رجل
مقاس جزمتي المحروسة ونفسيتي المهزوزة – تخاريف ايوشة
اخضر وباستك – بت خيخة واي كلام
حكاية غرامي – نبضات قلب ولهان
اللحظة الفاصلة – رحايا العمر
اصل في اتنين مصر – مجداوية
نص دقيقة – فاتيما
اجتماع جمعية المراة المتوحشة – د\ ستيتة
لو لم اكن .... لوددت.... الدنيا ريشة وقلم
من شلقط لملقط - هنعيش يعني هنعيش
اخر حدود السما – فاتيما
لساك فاكر -لافندر
هاتفرج – عقل مهوي
هذيان مراة – احمد الصعيدي
عيشها بشكل تاني – عيشها بشكل تالت
قالوا عن المراة – تخاريف مشكلة
البلد – كينج توت
انفلونزا الفرافير – حكايات بوبو
لسة انسانة – انسانة
البشرية هتخسر ايه – تظبيط
اغتصاب – تخاريف ايوشة
الاسلام واحكامه في ظل الانتقادات الساذجة – مجرد حالة
اعترافات ليلية- فكك مني
سلسلة دولة شقلوبستان – ومضات
هي دي مصر يا رأفت – البلد دي فيها حكومة
ليلي وبرقع الحياء - لماضة
الحاجة الى الرضا – راجي عفو الله.
قناعات شخصية لا تلزم احد.
حضنك حبيبي – بت خيخة واي كلام
الحتة الخضرا – اسف على الازعاج
زي النهاردة – عارفة ... مش عارف ليه.

------------------------------------------------

القسم الخامس : أفضل ثلاث قوالب \ اشكال تنسيقية

المركز الاول : مدونة روح قلب ماما
المركز الثاني : قوس قزح
المركز الثالث : رحايا العمر و نبضات قلب ولهان و
Sweet violet و عالم مولان
المركز الرابع : تخاريف ايوشة
المركز الخامس
Appy Planet احلى الاوقات و

-------------------------------------------------

القسم السادس : أفضل ثلاث عناوين من عناوين المدونات

المركز الاول باغلبية كاسحة : الشعب لابد له من حكومة تشكمه
المركز الثاني : قوس قزح
المركزالثالث : البلد دي فيها حكومة و رغي امراة غير مطحونة و نط في الكوز و تحت الياسمينة
المركز الرابع : طعم البيوت و رحايا العمر و يا مراكبي
مفيش مركز خامس

------------------------------------------------------
القسم السابع : أفضل ثلاث اسماء تدوينية

المركز الاول : بت خيخة واي كلام
المركز الثاني : ستيتة حسب الله الحمش
المركز الثالث : فشكول و قوس قزح
المركز الرابع : ليس فقيرا من يحب و صبرني يارب و لماضة
المركز الخامس : بسكوتة.

-----------------------------------------------
القسم الثامن : مدونات لا يفوتك المرور بها
المركز الاول : بت خيخة واي كلام
المركز الثاني : روح قلب ماما
المركزالثالث : مش عارفة بس نفسي اعرف.
المركزالرابع : الشعب لابد له من حكومة تشكمه – تخاريف مشكلة

-------------------------------------------------------

القسم التاسع : مدونات يجب ان تترك بها تعليق

المركز الاول : روح قلب ماما
المركز الثاني : مش عارفة بس نفسي اعرف
المركز الثالث : الشعب لابد له من حكومة تشكمه
المركز الرابع : بت خيخة واي كلام – تخاريف واحاسيس ايوشة – حنين القلب

---------------------------------------------------
القسم العاشر : أحداث تدوينية

المركز الاول : بؤجة الخير
المركز الثاني: التبرع الخيخي
المركز الثالث : الافطار الجماعي


وأأأأأخيييييييييييييييييراااااااا


شكرا ااااااااااااااااااااااااااااااااااااا
لكل اللى شجعوني وحدفوني بالفراولة والشكولا والكريمة وكل الحاجات الحلوة
فاتيما \ د. ستيتة \ شريف هجايص \ زناتي \ واااااااخرون

شكرا
لكل من اشترك في التصويت وتعامل بايجابية مع حدث تدويني اتمنى يكون عجبكم

شكرا
لكل من قدم اقتراحات وبعتذر اني معملتش بالاقتراحات المرة دي لان الوقت كان ضيق
لكن لو ليا عمر السنة الجاية ان شاء الله

زعلاااااااااااااااااااااااااااااانة اوي من الناس اللى لم تتفاعل وقالت بس ان الفكرة عجبتها

زعلااااااااااااااااااااااااااااااانة من الناس اللى ولا علقت على الفكرة ولا شاركت رغم اعلانات فاتيما ود. ستيتة وشريف باشا ,وزناتي

زعلااااااااااااااااااااااااااااااانة من ناس مشاركتش لكن باجماع الاراء وعدد الاصوات فازت

مبروووووووووووووووووووووك
اولا ليكم مبروك عليكم تفاعلكم
ثانيا ليا مبروك عليا الفكرة واعتقد انها نجحت بيكوا
و
و



مبررووووووووووووووووووووووووك
مبروووووووووووووووووووووووووووووك
مبرووووووووووووووووووووووووووك
لكل الفائزين والفائزات من المدونين والمدونات


واخيرا
تحياتي البسكوتية
وكل سنة وانتوا طيبين
Happy New Year 2010
اتمنالكم جميعا سنة جديدة سعيدة مليئة بالنجاحات والانجازات
مليئة بالحب والدفء
مليئة بالخير والصفاء
ومن قلبي بدعي ربنا يحقق امنية كل واحد فيكم



http://www.icq.com/img/friendship/static/card_16961_rs.swf

32 التعليقات:

P A S H A said...

مبروك مبروك مبروك .. مبروك عليكم وعلينا .. يا رب .. تااا .. كتر أفراحنا .. يا رب .. تااا .. كتر أفراحنا .. وعلى قد نيتنا إدييييينا ..

ألف مليون مبروك للفائزين كلهم .. ربنا يا رب يبارك فيهم .. ويخليهم ... ونتعلم منهم .. ونستفيد من خبراتهم وحكمتهم ومنطقهم في عرض مواضيعهم .

وألف ألف شكر للزميلة الفاضلة / بسكوته على مجهودها الجبار في عمل الإستفتاء وحصر النتائج .. ربنا يا رب يجازيها ألف خير وتكون سنة سعيدة عليها إن شاء الله (والله يا جماعة عرضت عليها المساعدة بس رفضت نياهاهاها) .

وكل سنة والجميع بألف خير وصحة وسلامة وسعادة .. وإن شاء الله سنة جديدة سعيدة علينا كلنا . آمين آمين آمين

Baskouta said...

Pasha
زي ما كنت من اول المشجعين
انت كمان من اول المهنئين
شكرا ليك ولتشجيعك
شكرا لتعليقك
مبروك لكل المدونين والمدونات
كل سنة والجميع بخير

Remas said...

الف مبروك للمدونين والمدونات اللى نالو اكتر الاصوات

وبجد التصويت طلع زى ما توقعت تماما بالنسبة للاصوات ومين اللى حصل على الاغلبية

وفكرة الاستفتاء دا كانت فكرة حلوة اوى بشكرك عليها يا احلى بسكوتة

وميرسي على مجهودك وتعبك

مهندس مصري بيحب مصر said...

ههههههههههه
يعني أنا يادوب كنت من أحسن معلقين و بدون مركز كمان
:)
يالا خير

مبروك للفائزين
و سنة طيبة عليكم جميعاً

فاتيما said...

بساكيتو
يا بسكوتى


يا لهوتينى ى ى ى
ألف مبروك ع الكل

و بركة يا ماماإنك خلصتّى
و كان الله ف عونك كنت بدعيلك


انا قايللك من الأول
دى شغلانة كبيرة
و هم ما يتلم
و الحمدلله كنتى قدها

لكن عندى شوية ملاحيظ
و عارفة إنك هتتقبليها
بكل ديموقراطية ..ماشى ؟؟

طييييييييب


اولا
======
الإستفتاء دا قلب على حريمى خالص
و كون أغلب الفائزين نون النسوة
فدا بياكد حاجة مهمة

إننا ستات و وقفنا وقفة ستات
و عاوزين حد بيعرف يمنتج كويس
و يساعدنا نخش على نيجاتيف الفيلم نبوظه
و نغير الجملة دى من فيلم الارض

ثانياً
=====
انتى مقولتيش عدد
اللى شارك كام يا بسكوتى ..
عشان نعرف العينة
هل كانت نوعا معقولة
و لا قليلة ؟؟؟


ثالثاً
====
توقعاتى خابت
مع إن المفروض العكس


معرفش ليه
و انا بشوف اسمى إفتكرت
الضيف احمد و افلام عبد الحميد الترزى ...اصلى لقتنى كنت كتير قوى
زيادة عن اللزوم
و دا مبرره المنطقى لأنى من الناس اللى عزمت بقلب
و الكل كان عاوز يجامل
فكتر ألف خيرهم و من قلبى بجد

والحتة الوحيدة اللى شعرت بإنها فعلا صح حكاية شكل المدونة بتاعتى
لأنى فعلا مش بشوفه كتير
و بحسه ناعم و رومانسى كدا
و دافى ....

رابعاً
توقعاتى لخيخة و ستيتة
و قوس قزح كانت ف محلها
لأنهن ناشطات بالفعل سواء تدوينياً
او إنسانياً

لكن خابت ف ناس تانية للأسف
و متهيألى عامل
الوقت هوه كان السبب الاكيد
و دا يؤدى

لخامسا
======
إننا السنة الجاية
هنبتدى بدرى عن كدا بشهرين

اول اكتوبر إن شاء الله
لو لينا عمر
هيبتدى الإستفتاء دا


سادساً
=======
فرحانة إنى قريت إسم عادل
إبنى و بتحيز له بقى


سابعاً
=====
المرة الجاية لااااااازم
يكون فيه تصنيفات
عشان نسهل عالناس الإختيارات

يعنى يبقى
احسن مدونة سياسية
أو ساخرة
او اجتماعية
او متخصصة
او ادبية
.....و هكذا
وقتها يبقى فيه فرصة للإنتقاء
دون اى احساس بالظلم لحد تانى يستحق

و مدونة زى بتاعة لماضة أو سوووو
مش هتنظلم و هتلاقى مكانها ف التصنيف بتاعها و المنافسة تكون محصورة فى أصحابها
و مفيش مشكلة

ثامناً
====
لازم كمان يكون فيه
احسن مدونة ناشئة
للناس اللى مبتدية
جديد ف التدوين و عملت شغل حلو
و قربت منها الناس
لأن ناس كتير فعلا
بتثبت وجودها بشكل غير مقصود
بمجرد إنشائها مدونة
و تلم الناس حواليها
و لازم يتبصلهم

تاسعاً
======
جهدك مشكور يا بسكوتى
لكن زى ما قولتلك
كان ناقص التسويق و الدعاية
و لوجو حلو و تحضير من وقت بدرى
و دا إن شاء الله هنتلافاه السنة الجاية اكيد لو لينا عمر


عاشراً
=====
انا ممنونة جدا
لكل اللى إختارونى


أشكركم يا إخوانى
و دعونا ندون ف صمت
و شقة و ازازة زيت
لكل مدون
إن شاء الله

بس لما ندفع الضريبة
العقارية الاول
و نبيع الحلل و و الاطباق اللى بناكل فيها
عشان مش هنلاقى ناكل أصلاً
بعدين نقعد بروقان كدا
على باب السيدة
نشحت
و نلملكوا تمن الحاجة
عشان ربنا يبقى مبارك فيها



خالص دوى يا بسكوتى
اشوفك بكرة يا حبيبتى
إن شاء الله

VÖltaa said...

ايه الحلاوة دى

لا بجد بجد واضح انك تعبتى اوووووووووى

بجد فعلا الاستفتاء ده زى الفل وعمل احلى احصائية

انا من رأيى كل فترة تعملى الاستفتاء ده
وتفتحى بلوج مخصوص للاستفتاءات دى

وووووووووو مش عارف اقول حاجة اكتر من كده
هههههههههه
بس انا زعلااااااااااااان كده محدش جاب سيرتى
لو كنتى عملتى استفتاء مين انتن واحد ومش بيعلق عند حد
انا كنت هبقى الاول اكيد
ههههههههههههه


هابى نيوو ييير يابساكيتوو

وطلب من اخوكى الصغنن يعنى ياريت تكبرى الخط لاحسن الخط صغيييييييييير


وووسلام بقى

ستيتة said...

ينهار ابيض يا بسكوتي
ده انتي شقيتي
ربنا يخليكي
انا فرحانة جدا
حتى لو كان عدد الناس اللي في الإستفتاء قليل
ماهي مشكلة شعبنا ان ملوش في التفاعل الإيجابي
نعمل ايه
بس لو مكناش احنا نثابر
يبقى قلة كلامنا احسن
انا طبعا فرحانة جدا
لأن فيه ناس بتحبني
وده يكفيني جداااااااااااااا

وانا كمان بحبك
ربنا يسعدك
هابي نيو يير

promise is promise said...

تحفه بجد النتايج دى وبجد الناس دى تستاهل واسفه جدا كان نفسى اشترك بس انا فعلا مش اعرف كتير
اوعدك ان شاءالله المره اللى جايه اكون معاكم والف الف مبروك للفايزين

Cute Kitty **sookra said...

مبروك لكل اللى فازوا
اهىء اهىء اهىء
وزعلانه عشان موش فزت بس معلش دول ناس بتكتب بضمير اما انا بكتب بهزار
ههههههههههههه
كل سنه وانتى طيبه وباالف خير
هابى نيو يير

adel said...

غريبة اسمي موجود مرتين تلاتة كده عادي
:):)
افضل معلق
وافضل اسم مدونة
وموضوعين مهمين كمان

انا للاسف مدخلتش الاستفتاء لظروف خارجة عن ارادتي
بس ميرسي للاختيار (اللي اختارني يعني) اكيد هاشوفه بحاجة

بس بالنسبة لي اكتر شرف بجد
ان حد افتكر موضوع (مصر يارأفت) لاني بعتبر الموضوع ده حاجة كده كبيرة قوي و جت غلطة
:):):):)

Unknown said...

لالالا
الجداد تزعلي منهم ازاي بقي !؟
مينفعش خالص مالص
ثانيا بجد انا معرفش حد ولا حد يعرفني ! فطبيعي ان تصويتي هيكون غلط هههه

نيجي بقي لموضوع الربح
بصي يا ستي الملف الاول ده مضغوط فلازم وين رير و فكي الضغط او و هو مكانه هيشتغل عادي باي برنامج وينامب او ويندوز ميديا بلاير

و يلا شدي حيلك كده عشان نزلت اول درس فيديو :) تحياتي

Unknown said...

مبرووووووووووووك
طبعا ماما فاتيما باكتساح
هههههه والله عندك حق
اصلا مع كل عنوان كنت بقول ماما فاتيما ابص الاقيها الاولى فعلا
مبروك ليكم كلكم
وجميله المسابقى يا بسكوتي يارب تتعوض

Sumayyah said...

Hi Dear,

you have a great blog, keep up the good work!

my name is Sumayyah Al Suwaidi the owner of the first image on the right of your blog, it's called farewell my love. i feel proud that you liked my painting so much that your using it for your blog but if you don't mind please add my name and my webiste address beside the image www.sumayyahalsuwaidi.com

thanks,
Sumayyah

!!! عارفة ... مش عارف ليه said...

الف مبرووك للجميع

والاستفتاء فعلا واضح الجهد المبذول فيه

وجزاك الله خيرا على الفكرة دي وكمان تطويرها المتوقع إن شاء الله السنة الجاية

وطبعا ملاحظات فاتيما كلها في محلها وجميلة جداااا

والف الف مبروووك لها ولكل اللي نال ثقة المدونين

وعلى المستوى الشخصي كنت مستبعد تماما فكرة إن يكون للمدونة عندي أي تواجد في الاستفتاء ده

وكانت مفاجأة كبيررررررة جدا ليا
إنها تيجي في المركز الرابع
وبصراحة دي ثقة كبيرة أنا اقل من منها لتقصيري في

حق المدونين ... وفي حق المدونة

وخالص شكري طبعا لكل اللي اختارها
وكمان اللي مخترهاش

وشكراً جزيلاً لك مرة تانية
على تطوعك وهدفك النبيل ده

وكل سنة وأنت طيبة

Baskouta said...

عارفة ... مش عارف ليه
كل سنة وانت طيب
وشكرا على التعليق
فعلا الاستفتاء كان صعب وكان محتاج مجهود
والمرة الجاية يبقى افضل ان شاء الله
ومبروك المركز اللي حققته مدونتك
وان شاء الله من احسن لاحسن

نورتني واتمنى تزورني دايما

تحياتي

Ahmed Kamal said...

مبروك للفائزين ، و شكرا على وجود رحايا العمر و شخصي الضعيف في الترشيحات ، المفاجأة بالنسبة لي هي الأقسام التي حصلت فيها رحايا العمر على ترتيب ، أما أكثر ما أسعدني هو حصول البؤجة على المركز الأول في الأحداث التدوينية .

المرة الجاية أشترك في التصويت إن شاء الله :)

تحياتي لك ، و شكرا مجهودك

Baskouta said...

اهلا استاذ \ احمد كمال
شرفتني بزيارتك للمدونة
مبروووووووووك حصول رحايا العمر على ترتيبات.. وعقبال كل سنة

كل سنة وحضرتك طيب وسنةجديدة سعيدة عليك

اتمنى تنورني بزيارتك دايما
تحياتي

قوس قزح said...

مبروووك على النتايج
و فعلا فيها اسماء كتير تستاهل المراكز اللى حصلت عليها
و انا ى احمد كمال اكتر حاجة اسعدتنى ان اعمال الخير هى اللى اخدت بجدار مراكز الاحداث التدوينية مع انى كنت متوقعة وجود القاءات خاصة بتوقيع كتب معينة
بس الحمدلله ان الخير بيجمع الناس و بيفضل سايب اثر جميل

فكرة الاستفتاء جميلة اوى
ياريت تعمليها كل سنة
و كل واحد منا على مدار السنة كل ما تعجبه حاجة يحطها فى ملف عنده علشان اخر السنة يشوف ايه منها يقدر يحطه فى الاستفتاء
لاحظى ان اغلب الاختيارات خاصة بالفترة الاخيرة واكيد النص الاول من السنة منسى
و علشان الموضوع ينتشر تطلبى من كل واحد اخد مركز ينشر النتيجة بتاعت الاستفاتاء عنده ..ضريبة يعنى هههههههههه

احلى جزء عجبنى فى الاستفتاء ده
احلى البوستات
لانه هيخلينا فعلا نقرا خلاصة التدوين
لو تاكتيفى كل لينك يبقى هايل

انا باشكر كل اللى رشحنى و اولهم فاتيما و يارب اكون فعلا عند حسن ظنهم

كل سنة و انتى طيبة يا جميل

Baskouta said...

يا صباح الالوان
قوس قزح الرقيقة
ازيك يا حبيبتي
مبرووووووووك ليكي
نتايج الاستفتاء
ميرسي على تشجيعك
وان شاء الله نحسنها ونخليها افضل وافضل
وعجبتني اوي فكرة ان كل حد اخد مركز في الاستفتاء ينشر النتيجة عنده علشان الموضوع ينتشر ويستمر كل سنة
تحياتي البسكوتية الصباحية
اتمنى تنوريني دايما

Mafrousa said...

يا عيني يا بسكوتة
ده انتى زمانك اتكسرتي
بس بجد مجهود رائع
كل سنة و انتى طيبة
و الجميل ان اصحابي اسمهم مكتوب
و انا ههههههههههه كنت حتفرس بس الحمد لله لاقيته
فى و سط الزحمة قوم الفرسة رجعت تاني
هههههههه برافو عليكي و الله مجهود جامد
تحياتي ليكي
و مبروك للفايزين
حيعزمونا على ايه بقا؟؟؟؟؟

Baskouta said...

واحدة مفروسة
ااااااااه شوفتي انا اتكسرت خالص
بس الحمد لله عدى على خير
انا مبسوطة انك عجبك الاستفتاء ولقيتي اسمك وان شاء الله المرة الجاية تبقي من الفايزين
انا حكاية العزومة فانا محدش عزمني على حاجة لو اتعزمتي ياريت تاخديني معاكي
تحياتي البسكوتية
اتمنى تنوريني دايما

ولد تحت الصفر said...

كنت اتمنى أشارك لكن

ما لكنش

ان شاء الله السنة دي أكون واحد مشارك مش واحد مشترك





التبرع الخيخي ده بييجي كل كام يوم ؟


أصل ناوي أتبرع بشوية من الدم الخيخي بتاعي


ينفع ؟



المهم دلوقتي أبارك لهم بطريقتي الخاصة

















م



ب



ر



و



ك



أولاً ليكي


لأنك في نظري تخطيتي المرحلة الأولى و عقبال المرحلة اللي مش هيكون بعدها مراحل


معلش بقى أصل ده الأثر اللي سابه فينا ابن زكي البدر

ميرا ( وومن ) said...

أزيك يا بسكوتة

الواحد اول مرة يعل هنا
وجاية كدة بوش مكسوف

أصلي بصراحة يا بسكوتة لم أشارك في الإستفتاء مش قلة اهتمام ولا حاجة بس النفسيه مكنتش مساعده

بس بجد حاسة اني نفسيتي بقت احسن لما قريت اسمي ومبسوطة ان في حد افتكر اي حاجة انا كتبتها

بجد انا عارفة الموضوع متعب قد ايه لآني كنت بعمل دراسات ميدانية واتحول في النتايج

بس لو ناوية تستمري في ابقي قوليلي وانا اساعدك المفروض ان تحليل النتايج شغلتي وعندي برنامج كويس ممكن يكون مريح

تسلمي علي تعبك وعقبال كل سنه

Empress appy said...

ايه ده انا عماله افوز بجوايز جوايز وانا فى بيتنا نايمه على ودنى
بجد ميرسى للمجهود الجميل ده يا بسكوته ولكل الناس اللى اختارتنى

Baskouta said...

رجل من تحت الصفر

الله يبارك فيك
ميرسي على الكومنت
وان شاء الله تشارك المرة الجاية
نورتني
تحياتي

Baskouta said...

ووومن حبيبتي
ازيك
وحشتيني يا قمر
يارب تكوني بخير
ويارب النفسية احسن بكتير
مبروك النتايج عليكي وعلينا
وطبعا ميرسي على عرضك للمساعدة ان شاء الله طبعا تساعديني ونطلع استفتاء اجمل بكتير
نورتيني
يارب تزوريني دايما واتمنى تكون عجبتك المدونة
تحياتي البسكوتية الصباحية

Baskouta said...

Appy
الجميلة الرقيقة
ازيك يا جميل
منوراني
شوفتي بقا انك بتفوزي وانتي مش واخدة بالك
يلا اهو ده تشجيع علشان تشاركي المرة الجاية
اتمنى تزوريني تاني وتكون المدونة عجبتك
وكل سنة وانتي طيبة
تحياتي البسكوتية الصباحية

Anonymous said...

مندهش مش اكتر

يا مراكبي said...

ياااه
أنا اسمي مكتوب؟
ياله من شرف

بجد ألف شكر على المجهود الرائع ده وعلى التقدير الجميل ده

شيء جميل فعلا

هناء محمود said...

مبروك لكل إللى كسب ولشيما صاحبتى

الإسم إللى فاز بإكتساح (الشعب لابد له من حكومه تشكومه )

وعقبالى يارب السنة الجاية .. أصل أول بوست ليا بحق وحقيقى كان 1 يناير

ومبروك لماما

بجد مدونتها جميلة
ولدكتورة ستيتة وصبرنى يارب وكله كله مش عاوزه أنسى حد

صبرني يارب said...

هيه هيه هيه

انا اسمي مكتوب يا قوم

اسمي مكتوب والله

متشكره اوي اوي لكل الناس وبجد مبسوطه اوي

وروحت جبت جوزي وقلتله اهووووووووووو اسمي مكتوووووووب

اه مش قليلين احنا

ومبروك لكل الناس

وحقيقى مبسوطه اوي ويا بسكوته امانه عليكى يا اختي تعملي الاستفتاء ده كل سنه

جايز نتعلم نقول راينا

شكرا بجد لكل الى تعب فيه
وخلي بالك كل مره هايبقى اكثر فعاليه من المره الى قبله
ولو ربنا احياني المره الجايه هاكون معاكي بالدعم الفني
هههههههههههههه

Baskouta said...

اسامة عبد العال -- يا مراكبي -- ام بوبة -- صبرني
اهلا بيكم نورتوني
ومبرووووووووك نتايج الاستفتاء
فرحانة ان الفكرة عجبتكم
ونجحت بيكم
ان شاء الله كل سنة تبقا احلى من اللى قبلها
ومبررررررررروووووووووووك لكل الفايزين بمراكز
كل استفتاء وانتوا طيبين
تحياتي البسكوتية الاستفتائية