Apr 3, 2012

:)


انا رسمت نص قلب ممكن انت تكمله؟
بس انا مابعرفش ارسم

ممكن اكتب جملة فيها اسمك؟
عادي يعني ممكن اسمي يتحط في جمل كتير

طيب ممكن اسمك يتكتب جنب اسمي؟
لو الاسامي مترتبة ترتيب أبجدي اسمي هيجي بعد اسمك بكتير..بس بيس يعني لو احتجتي حاجة مش هنفضلك

ممكن تبقالك رنة خاصة على موبايلي؟
عادي ده موبايلك ..بييس يعني ولا انتي مش عارفة تخصصي نغمات
لو مش عارفة عادي ممكن اعلمك

ممكن تقولي صباح الخير كل يوم؟
ليه ؟ هو انا نسيت اصبح عليكي النهاردة ؟ معلش انا بس اول ما عرفت فيه اجتماع اتلخمت

طيب ممكن أسمعك السونج ليست بتاعتي؟
سونج ليست ايه بس ؟
انتي مش شايفة جبل الملفات ده
ايه الروقان ده؟

ممكن اوريلك البوم صوري في عيد ميلادي؟
انتي عاوزة هدية ولا ايه ...اه صحيح هو انتي عيد ميلادك امتى؟

ممكن أحكيلك حاجة صغنتوتة؟
شوفتي لوك لوك لوك ... مافيش فايدة في البنات...قومي يابنتي عندنا اجتماع

يقوم ويسبقها بخطوتين

وهي لسة يادوب هتنطق آخر سؤال

هو انا ممكن أبقى حبيبتك؟

......







9 التعليقات:

مصري جدا said...

ايه اللي هو ممكن ممكن ممكن دي؟


ليس نيل المطالب بالتمني ولكن تؤخذ الدنيا غلابا


وبهذه المناسبه يوجد لدينا عدد أربعين لوري محملين صعايده جاهزين وفي الخدمه نظبط الزبون


بجد بئا

لو الاجابه من بسلامته مش اه يبئا يستاهل يرشح نفسه للرياسه

فاتيما said...

:)
أنـا كـمـــان

Tarkieb said...

كل شئ ممكن مش لازم الحبيبين يكونو زي بعض لكن الاهم يكملو بعض واكيد في حاجات تانية الواحد مش بياخد باله منها وبيركز ع الفروق ....جميلة كالعادة وحاجة عرباووووي وعلى فكرة كتاباتك عربي حلوة اووووي.....واستمر في الابداع يا بسكوت

لـــولا وزهـــراء said...

بسكوته

بصراحه عندك اسلوب رائع وياريت كان البوست طويل حبه نونو كمان *_0
على فكره هو فاهم انها بتحبه بس تقيل شويه زياده ابقى قولى لها اى رجل بيكون عارف المراه اللى بتتعامل معاه شايفه ازاى يعنى بتحبه او بتتسلى به او ... او ... بس زى ما تقولى فى رجاله تقيله كده شويه زياده
ابقى كملى باقى الحكايه المره الجايه عشان عاوزه اعرف هو هيعمل ايه اذ احتمال يقدم استقالته من الشغل او احتمال افتح دماغه بحاجه

زهــــراء

نهر الحب said...

عاوزة اقول حاجة
هي ليه بتعمل كوووووول حاجة وهو لأ؟؟

تفتكري ده حب؟؟
متهيألي لو كان جواه ولو واحد من عشرة من اللي جواها مكنش ده يبقي رد فعله

هاتي المشهد ده من اتنين بيحبوا بعض
"حب متبادل "
حتلاقي كل حاجة هي بتقولها عليها مليون ردة فعل منه

قال اجتماع قال
معنديش اقتناع ابدا بالحجج دي
ومقتنعة بان اللي عاوز حاجة بيعملها

يا تري فهمتي قصدي؟؟
:))

بحب اجي هنا

mira@ said...

ردود ان دلت فما دلت الا عن بروووووود
جميله جدا
بس مجربتش ابقا مذلوله بسبب حب كده

VOltaa said...

لو بعد كل ده و مش ممكن هجيبلك رشاش آلى و قومى بالواجب بمعرفتك :D
,


ازيك يا بساكيتوز :)
ليكى وحشة كبيرة جدا . يارب تكونى بخير

Shaimaa said...

وحشتينى يا بسكوتى
ايه البوست الجامد ده

الحب أحلى احساس فى العالم .... وبيتحس جدا من نظرة واحدة أو اشارة أو حتى سلوك .. مش محتاج كلام ... لو متحسش ومن أول لمحة يبقى الكلام قلته أحسن
ربنا يبعتلك حب كبير مش محتاج كلام أبداااا.

Baskouta said...

مصري جدا

فاتيما

تركيب

زهراء

نهر الحب

ميرا

فولتا

شيماء

ميرسي ليكم كلكم على تعليقاتكم
انا بتبسط اوي بيها
ويارب تيجو هنا دايما
:)