الجد ممسكا الجريدة يتصفح اخبار البلاد
والحفيد يجلس متصفحا الانترنت ومتنقلا بين تويتر والفيس بوك
الجد : شوفت الاخبار يا حبيبي ... تغيير وزرا ومحاسبة فاسدين وربنا يسهل والبلد تفوق.
الحفيد : لسة بدري يا جدو لما مصر تفوق.
الجد : ليه يا حبيبي هي مش الثورة خلصت والراجل تنحى والفاسدون يتساقطون.
الحفيد : لا يا جدي الثورة مخلصتش لان الراجل ما تنحاش والفاسدون يتزايدون يا جدو .. ومن الاخر احنا اتضحك علينا... لسة بيحكمنا بس من شرم يا جدو...
الجد " مذهولا " : ازاي بقى ؟؟ مش الراجل تخلى يا ولاد.
الحفيد : والله يا جدو اتضحك علينا ... لسة بيحكمنا برجالته واعوانه ونظامه الفاسد اللي بيلعب معانا
الجد : يعني الراجل لسة الريس ... يعني بعد الفوضى ووقف الحال والخراب المستعجل اللي حل علينا ...الراجل لسة ريسنا ... يادي الخيبة يا ولاد ... دي تبقى نكسة .... دي ولا نكسة 67 أي والله نكسة.
الحفيد : لا وانت الصادق يا جدو دي وكسة.
الجد " وقد كست وجهه الاحزان " : لالا ... تلاتة بالله العظيم دي وكسة ... لالا ده كلام فاضي ... يعني الراجل لسة الريس... لا حول ولا قوة الا بالله.....ده انا قولت خلاص مشي والدنيا هتمشي ... لا حول ولا قوة الا بالله
يترك الجريدة ويمسك بعصاته ليستند عليها واقفا... تخونه العصاة... وتخور قواه... مرددا ... لا حول ولا قوة الا بالله... لسة ..يعني هو لسة ...لا حول ولا قوة الا بالله.... دي نكسة .... لا حول ولا قوة الا بالله ...دي نكسة.
ينهض الحفيد متجها نحو الجد ... واضعا يده بيد الجد قائلا له : يا جدو مش انت عديت النكسة الاولانية وانتصرنا ...متبكيش بقى واحنا ان شاء الله هنعدي بيك النكسة التانية وربنا قادر ينصرنا.
انتهت
.jfif)
.jpg)
.jpg)
8 التعليقات:
متبكيش بقى واحنا ان شاء الله هنعدي بيك النكسة التانية وربنا قادر ينصرنا.
أن شاء الله
علشان دم الشهداء ميروحش هدر
فاهمه مش حافظه
الله يفتح عليكي
قادر ياكريم يعدي بينا النكسة دى
والله هنعديها
ان شاء الله
بلاش الخضة دى
تتحول لحالة نفسية
تخليكى تفقدى الامل
آه
حاجة كمان
العربى شغال الله ينور اهو
و بجد حلو البوست
وارجوكى تكتبى عربى كتير
لأنه اوشك يوازى جودة الكتابة بالإنجليزى فى الجمال والإحكام والدقة
صباح البسكوت بالفراولة
وصباح عبور أى وكسة أن شاء الله
قاعد فى شرم يا بسكوتة بياخد فطاره على البحر ... كنا بنقول "الشعب يريد اسقاط النظام" أتاريه مش مجرد نظام دول عصابة عصابة ..لو بس الجيش يقيل سيد طنطاوى ده... لو يبقوا رجالة بجد يطردوا أى حد لسة فى القصر الجمهورى ...
فى رجال أعمال كتير هربوا برة مصر ....من الضرورى جدا جدا ملاحتقهم
ارحمنا يارب
هتعدي:)
مين كان يصدق ان الدنيا تتغير كده في 18 يوم
هنكمل للآخر خلاص الموضوع اتحسم
@ Ramy : ان شاء الله يا رامي دم الشهدا مش هيروح هدر.
----------------------
مصري جدا
ربنا يفتح علينا كلنا
ويساعدنااااااا
ميرسي على الكومنت
--------------------
Voltaa
ونعم بالله يا فولتا
ربنا كبير واكبر من الكل
---------------------
ماما فاتيما
دي مش خضة
ده وجع في القلب
وخوف
ورعب
والله كل ما اقرى عن كم الفساد
اترعب واحس اني مش قادرة استوعب اكتر من كدة
ربنا يرحمنااااااااا
---------------------------
Shaimaa:
اه يا شيماء حاجة تكسر النفس
فعلا مش مجرد نظام ولا رئيس دولة
دي مؤسسة فاسدة بكل ما فيها
وملناش غير ربنا ينجينا منها
-----------------------------
طالبة مقهورة
يارب تعدي
ايوة محدش كان متوقع تخلص في 18 يوم
بس كمان محدش كان متوقع كم الفساد اللي ظهر
ان شاء الله نكمل وربنا معانا
-------------------------------
تحياتي للجميع
بسكوتة
Only want to say your article is brilliant.
Post a Comment