تاني وتاني

زعلانة

لا مش بعرف ازعل منك

طيب بتعيطي ليه

علشان انت زعقتلي اوي وانا مش عملت حاجة
تبقي زعلانة

لا مش زعلانة

طيب صالحيني

انا اللي اصالحك

اه

ليه؟

علشان انا زعلت اوي لما حسيت انك ممكن تكوني زعلانة
لا مش زعلانة

طيب مش عاوزاني اصالحك

لا صالحني

يعني انتي زعلانة ؟

لا مش زعلانة

يبتسم وياخدها في حضنه
ويطبطب عليها وبقولها

بحبك اوي ومش عاوزك ابدا تبقى زعلانة

يطبطب عليها ويروح مكتبه تاني

تعدي دقايق وفجأة يلاقيها داخلة عليه وتقوله

ممكن تزعقلي تاني بس بالراحة

ايه.. عاوزاني ازعقلك تاني ؟

اه اه عاوزاك تزعقلي تاني علشان عاوزاك تصالحني تاني وتاني وتاني

معرفتش أكشر

أنا زعلانة منك كتير اوي
بس بحبك أكتر
حلمت بيكي
وفي الحلم كنت عاوزة اكشر اوي
بس لاقيتني ببتسملك
وعلشان كدة انا دلوقت زعلانة منك أكتر
علشان خليتيني أحبك حب أكبر من اي حاجة
لدرجة انه خلاني مش عارفة أكشر في وشك ولو في الحلم
مع انك وجعتيني
بس
انا كنت عاوزة اقولك
انك وحشتيني

A broken promise.

When you break a promise you take.

You turn the feeling behind to be fake.

You break the person with whom the promise is due.

You break the image the other person had in mind about you.

We promised not to tell the stories we made together.

And to keep them safe in our hearts all the way till forever.

But you broke the promise and you ruined the trust.

And thus you lost me , our friendship suffering the thrust.

مش موجود

باقي 5 ايام
على

جلسة في محكمة
وقاضي

ومجني عليه

مش موجود

مجرد اسم على ورق


اصله مات


وجناة

مش موجودين

مجرد اسامي على ورق


اصلهم هربانين


و حكم

شوية كلام على ورق

مش هيتنفذ

يعني

مش موجود

اصله هيتنفذ على مين؟؟؟؟


************

انا زعلانة اوي يا ربنا

انا مش مستنية اللي هيقوله القاضي

ومش عاوزة اسمعه
ولا هسأل

هو القاضي كان شاف ايه علشان يقول حاجة تبرد قلبي
شاف بابا في دمه
شاف الرصاص الكتير اوي
شاف دموعنا
شاف حالنا من بعده
شاف حسرة قلبي
شاف كسرة ماما اللي بتموت من حزنها على حبيب عمرها

هو ما شافش حاجة

ده حتى ما شافش اللي قتلوه

انا كمان ولا عاوزة اشوف ولا أسمع


وهعتبر ان كل ده مش موجود

------------------------------------
الى بابا : انا بنسى انت سيبتني ازاي علشان فاكرة بس انك سيبتني
الى ماما : انا قدام حزنك ده بحس باكبر عجز في حياتي
الى فيفيان : انا بدعيلك وانا بصلي
الى كل حد فقد حد : انا بدعي بقلب عارف يعني ايه معنى الفقد
الى منونة : انتي وحشتيني
الى عادل : اجمل ما في كلامك انه كلامك
الى رامي : ربنا هيطبطب على وجعنا كلنا
الى فاتيما : انتي عارفة من غير ما اقول
الى د .ستيتة : انا وحشتني الطبطبة اللى في كلام حضرتك
الى انا : انا كويسة
الى ربنا : يارب ماليش غيرك
الى مصر : ربنا أكبر من كل حاجة كبيرة وحشة واقفة في طريقك .. ربنا اكبر

فيفيان يارب

علشان مبقاش عندي ثقة في ان
حق اي حد بيرجع
وعلشان مفيش في ايدينا حاجة
قدام قضاء ربنا
وعلشان خلاص مايكل مفيش حاجة ممكن ترجعه
لكل حبايبه
علشان هو مات
لكن هي لسة موجودة بتتألم

انا مش ببكي على مايكل
انا ببكي على فيفيان

وعلشان حاسة بيها أوي أوي

انا هدعي لفيفيان كل دقيقة
ربنا يصبرها
ربنا يعزيها
ربنا يداوي جرحها
ربنا يطبطب عليها

يارب انت رحيم بينا اوي
طبطب عليها يارب
طبطب على وحدتها من بعده
طبطب على دموعها عليه
طبطب على وجع فراقهم
طبطب على احلامهم اللي اتقتلت
طبطب على ذكرياتها معاه
طبطب عليها يارب

طبطب على كل حد فقد حبيب

طبطب على اصحاب مايكل

وحبايب مينا




على امهاتهم
على زمايلهم
على جيرانهم
على كل حد بيحبهم وهيفتقدهم

طبطب يارب على مصر