انت يا بابا هنا

(1)

لما بابا كان هنا مش كل الوقت كنت ببقى شايفاه اوقات كنت ببقى معاه واوقات كان يغيب او يسافر دلوقت هو عند ربنا بس معايا في كل مكان حساه بروحي اوي لكن عينيا بس هي اللى مبقتش شايفاه


---------------------

(2)

طفلة صغيرة من اطفال العيلة عندها يادوب 7 سنين بتحب بابايا اوي كانت قاعدة جنبي امبارح حضنتني وطبطبت عليا وقالتلي انتي زعلانة ليه قولتلها علشان مش هشوف بابا تاني ووحشني اوي

قالتلي : لا , غلط ... احنا كلنا هنشوفه تاني لما نموت


----------------------

(3)

الميراث الحقيقي
اصدقاء بابا الحقيقيين اوي اللي حزنهم على فراق بابا اكبر من اي كلام

ذكريات وسيرة طيبة تتقالي عن بابا من ناس اول مرة اقابلهم

صور بابا اللي قليلة بس كلها حياة

موبايله ونضارته ومفاتيحه وبطاقته واوراقه ...حاجات بسيطة بس غالية اوي علشان كانت دايما معاه ولمساه
--------------

(4)

في ناس لما بتموت .... بتموت
وناس حتى في موتها عايشة معانا الحياة


--------------

(5)

سارة اختى ثانوية عامة
النهاردة كان تاني يوم ليها في الامتحانات
سارة لابسة سلسلة فيها صورة بابا
وهي في الامتحان وقفت معاها مسألة ... افتكرت بابا وبعدين قررت تحاول تاني في المسألة حاولت وحلت ولما خلص الامتحان وهي خارجة مسكت السلسلة اللي فيها صورة بابا وباستها
وهي خارجة من اللجنة المراقبة سألتها صورة مين دي اللي في السلسلة

قالتلها : صورة بابا
ردت المراقبة : يا سلام وتبوسيه ليه ماهو ابوكي في وشك ليل نهار ايه ده يعني ... ميصحش كدة يا بنت

سارة قالتلها : لا بابا مات من شهر
ردت المراقبة بعصبية : برضه مايصحش واصلا حرام الصور سواء في سلسلة ولا في البيت ...فاهمة؟

سارة رجعت البيت بتعيط من طريقة كلام المراقبة مش هقول ان الموقف يستدعي البكا ..هي سارة بس اللي حساسة اوي انما حقيقي انا معرفتش ارد على سارة لما سألتني هي ليه المراقبة زعقتلي كدة

اللي عارفاه انها اكيد كان ممكن تكلمها بطريقة ألطف من كدة

مكاني مش هنا

الحبايب لما يغيبوا بنحبهم اكتر
اصل الغياب بيخلينا نشتاقلهم
ولما بنشتاق بنفتكر كل الحاجات الحلوة اللي عملوها او قالوها
ولما نفكر في ذكرياتنا الجميلة سوا بنحب اكتر


-----------------

انا بحبك اوي يابابا
وعارفة ان ربنا بيحبنا وبيخللي باله مننا
وهيوصلك سلامي وحبي


-------------------


ضحكتك يا بابا في صورك بتقولي اكون كويسة
وانا قلبي يابابا بغيابك ساكن بيت حزين ومش قادر يخرج


----------------------

سارة امتحانها بكرة يا بابا

قلقانة ومتوترة ومرعوبة
حضنتها وقولتلها حبيبة باباها لازم تبقى اقوى من كدة
وفي لحظة افتكرت كلامك لما كنت بتطمني قبل اي امتحان
يابنت خليكي جدعة ...ده حتة امتحان افرميه وتعالي طمنيني



-------------------------



35 يوم يابابا
من غيرك
مستنية اكون معاك




----------------



وانت مش هنا
انا مكاني مش هنا



------------



الدنيا ضلمة اوي من غيرك يا بابا يا حبيبي
وانا طول عمري بخاف من الضلمة



-------

بــنــت بــابــا

طول عمري مكنتش بكسف اي حد يقولي " انتي بنتي " او " انتي زي بنتي " او اي كلام شبه ده وكنت بتعامل
مع الكلام ده
بزوق وبفرحة ان الناس شايفني بنوتة لطيفة
ويتمنوا اكون بنتهم
من يوم 7 مايو 2011 من يوم وفاة بابا
وانا برد رد واحد بس على اي حد يقولي انتي بنتي
رد ممكن حد يحسه عدواني او يشوف انه رد مش مناسب
لكن الرد ده بيطلع مني بتلقائية وبيطلع من قلب قلبي
وكاني بالرد ده بحضن بابا

برد اقول

انا مش بنت حد

انا بنت بــــابـــا O.0

I'm Daddy's girl

الأهــــــم

انا شفتك يا بابا في الحلم

مش فاكرة التفاصيل ...مش مهم

اني شفتك ده الجميل ...اني شفتك ده الاهم.

I Miss you Daddy

أفتقدك يا أبي

كطعنة الخنجر أو اشد قسوة.

7th May 2011.

يقف القلب مرتجفا في محراب الحزن

ينتحب.

في عيني توقفت الأرض عن الدوران ...ساكنة تقف في خنوع

...أصمت الحداد هو أم صمت الذهول؟؟

أنتبه لأجد أن الحركة مازالت تدب في الشوارع والضحكات تمزق قلبي قبل أذني ..لماذا لم تنكس قلوب العالم أعلامها حزنا على رحيل أبي ؟؟ لماذا لا يشاطرني الكون سترة السواد؟

ألا يقف عقرب الساعة دقيقة حداد على أب فارقني في لحظات ؟

اقتربت يا أبي لترحل ...

رحيل يقبر أحلامي ...

حدثتني عن الكثير ولكنك أبدا لم تحدثني عن الرحيل

لم تضع لي الخطط والتدابير التي احتمي بها من ويلات غيابك

علمتني أن امسك بدفة سفينتي وألا اعتمد عليك لأنك على حد قولك " مش هتعيشلي طول العمر " إلا انك لم تعلمني كيف امسك بدفة السفينة حين تعبث بشراعها أنواء وفاتك

برحيلك انتقل قلبي ليسكن حي مقبض يعج بالأحزان والمخاوف فلا أجد في الأفق ما يبشر بحنان يشبه حنانك

فأين هي كلماتك التي تشحذ العزائم وتجفف الدموع التي يسيلها اليأس

أين غضبك الذي تليه عطاياك

أين لومك الذي يتبعه ضحكك

أحجم النوم عن زيارتي

وجادت عيني بعبرات محرقة واحدة تلو الأخرى علها تطفئ نار القلب.

أبكيك أبا وصديقا

كنا أصدقاء يا أبي ولم أدرك ذلك إلا اليوم.

كثيرا ما انكرت صداقتك وادعيت أن شدتك تحول دون امتداد جسور الصداقة بيننا

إلا أنني الآن فقط أدرك واعترف بأننا كنا أصدقاء وهي الحقيقة التي لم نصرح بها أبدا

افتقد أحاديثنا ..افتقد الأوقات التي قضيتها بجوارك في أسفارك الكثيرة

افتقد اختلافنا واتفاقنا

افتقد صوتك

افتقد حتى براكين غضبك

افتقد رعايتك يا أبي

افتقدك بشدة

لا تكاد تمر دقيقة إلا ويعتصر الحزن قلبي

راضية أنا بقضاء ربي إلا أن الحزن يغلبني ويقهر ما تبقى في قلبي من صبر.

وإذا تصادف وانتصر علي النوم , ففي أحلامي لا تهدأ أحزاني.

وكأن أصوات الرصاص تدوي في قلبي لتعصف بأي أمل في أن يسكن الهدوء عقلي ولو للحظات

وكأن قسوة الفراق تأبى إلا أن تلقي بظلالها على ارض أحلامي

وكأن حياتي صارت مكبلة بأصفاد الحزن.

وبكائي الحار يغلبني ليغرقني في بئر من الجمر المتقد.

ففي عقلي الاستعراض إجباري وكأن الأفكار تتزاحم لاهثة كأنها في سباق ... وذكريات لا أول لها من آخر تحاصرني وتغتالني في كل لحظة ...

هل حقا رحلت يا أبي أم كل هذا محض خيال؟

رحم الله والدي