المجرمين اللي موجودين تحت ايد المحكمة
رايحين جايين ومفيش حكم واحد بيصدر ضدهم
والمجرمين اللي قتلوا بابا
هربانين
والنهاردة صدر حكم المحكمة ضدهم
اللي تحت ايد المحكمة مش بيتحاكموا
واللي هربانين بيتحاكموا
بالذمة دي مش حاجة تضحك
بس انا بقى مش بضحك
انا بعيط
وبعيط اوي كمان
وموجوعة وجع لو اتفرق على الدنيا مش هتقضيه
عاوزة اقول
اه تسمع الكون كله
ااااااااااه يا بابا
اااااااااااااه
7 التعليقات:
ولا تحسبن الله بغافل على ما يفعل الظالمون
معلش يا بسكي
خليكي فاكرة لا يموت حق وراءه مطالب
لا من اللي جوا القفص ولم يحاكموا
ولا من اللي بره وهربانين وشايفين نفسهم فلتة
ربنا يريكي ثأرك حتى يرتاح قلبك
بحبك يا حبيبة قلبي
قوي قوي
لا حول ولا قوة إلا بالله العلي العظيم ، بإذن الله ربنا هايجيب لك حقك ولو بعد حين ، ربنا يبرد قلبك وينزل عليكي السلام والسكينة
سيبك من القضاء بتاع مصر ده في قمة سفالته دلوقتي.....ربنا اكيد لهم بالمرصاد وبكرة تتأكدي من كدة
ربنا مبيرضاش بالظلم
ان شاء الله حق باباكى ان لم ياخذ في الدنيا
فسياخد بالاخر
ربنا يرحمه ويسكنه فسيح جناته وان شاء الله حقه لن يذهب
عمر ربنا ما هيخذلك أبدا أبدا وصدقينى والله هيه مسألة وقت وهتلاقى اللى عملوا كدة فى والدك مشنوقين مش محبوسين بس
خليكى قوية علشان خاطر مامتك
اكيد ربنا يمهل ولا يهمل
وربنا اسمه العدل والحق
يعنى العدل هيتم وحق باباكى هييجى فى كل الاحوال
لكن كله بأوان
ربنا يصبرك ويقويكى
ويرحم والدك ويدخله فردوسه الاعلى
Post a Comment